اقتباس: المشاركة الأصلية كتبت بواسطة J и ๏̯͡๏ η سوآلفك حلوآآ يآ ملآهيب’..! الله يعينك شكلك من النوع اللي عندو حنين <~ متلي ,’ آآآآه بس هي على الحنين وبس إلا متقطعه على هالأيام الزينه / أتذكر سيارة أخوي الكبير أبو وليد سيارة خضراء كابرس الممطوطه أتذكر مسافرين من بريده لم خوالنا مع أخوي الكبير بسيارته الكابرس إلا أحترت والرديتر يطرطع وقف بالخط السريع بين القصيم والرياض وأنا كنت أقلب عيوني بالسياره خايفه لاتنفجر بنا السياره وأتحسس أماكن الحرارة من الغباء حاشرتن يدي بالمرتبه ورا ماش أحس بحراره قلت بس شكله بتحترق فينا مير يمر راعي جمس ومعه عائلته يبون يفزعون لنا يشوفون السواق صغير ومعه عائله مير من عزة نفس ( خيي ) رفض وجلسنا ننتظر راعي السطحه يجي يقشنا وجاء ورفع سيارة خيي ونحن به هذا الكلام بعد العشاء وربي أتذكر يوم تمشي السطحه ودخلنا الرياض ومرينا على الدائري الشرقي وكانت أراضي فضاء والجو هواء وليل وأتذكر عيال صغار يلعبون كوره وينظرون في هالسياره الخضراء والناس به إيه يا كابرسنا الخضراء وأتذكر خيي الكبير هذا راح مره للحلاق وحلق وضبط نفسه وأخذ أخوتي التوائم وراح لم المصور وأنا معهم بس رفض لأصور معهم يقول عيب البنت تصور إلى الأن صورنا ونحن بزران مع أحد أخوتي يحب يحتفظ بالماضي وماينلام لي عوده ودي أحتسي بقلبي ألم