السلام عليكم ورحمة الله وبركاته
نبدا بالروتين اليومي لي شخصيا
طبعاً حنا ساكنين في مزرعه وبرا الرياض يعني الروتين راح يكون مختلف تقريبا عن اهل المدينه
في الصيف اوله سهر في الليل لين الفجر بعدها نوم لين الظهر اجيب اخواتي من المدرسة بعدها غدا بعدين شغل النت لين قبل العصر بنص ساعه واخذ لي غفوه بعد صلاة العصر اتقهوى الشاي مع الأهل ومع جدي بعدين احيانا جدي يشوفني فاضي يقول ياولدي شغل الحراثة وحرث شوي واقول جدي خربت الحراثة بعدها اطلع مع ربعي للبر لين العشاء ورجع اعود للبيت نتعشى بعدها طردي
اخر الصيف اقوم بعد الفجر للبر معي البندق والشوزل طردي أصيد (( اسمع بالصيد )) يوم اصيد يوم اجي مخلص الفشق وهذي دايم بس للأسف وراي محاسب يحسب الفشق بس يالله يهوش شوي ويسكت
بعد الصيد يجي الشتاء طردي من الساعه عشر الصبح لين اقصر ورجع للبيت طبعا امي وابوي يقابلوني بهواش وينك من الصبح دور اقرب مخرج اقول مع ولد عمي وانا مع ناس الله يستر عليهم
طولنا عليكم بس يالله ما شفتوا شي لو اتعمق شوي بتقولون حاله غريبه جداااااااا بعدين نعطيكم الجز الثاني من العطالة