حسبي الله عليهم

انا بعد عندي نفس المشكلة معاهم

والقهر اني ما كنت مستفيد من الدعم

كنت موظف دوام جزئي براتب 1800 ريال عند بندة "كاشير"

يعني وين الدعم الزايد في الراتب

والحين وبعد ستة شهور من التخرج وعمل مالا يقل عن 20 مقابلة مع بنوك وشركات خاصة

كلهم ما قبلت فيهم .. تصوروا .. ليه ؟؟

الاغلبية فيهم مدعومين من الموارد البشرية .. اقصد الشركات والبنوك

طيب وش الحل .. ؟؟

فوق هذا كلّه ان المفترض النظام هذا ما يمشي علي .. اقصد الدعم من الصندوق لأني من أساس كنت طالب منتظم
والدعم لايسمح للطلاب المنتظمين

بالاضافة الى ان فترة العمل المسجلة لي عند الموارد 7 شهور .. اما التأمينات 3 شهور .. شوف الفرق واللعب

حسبي الله ونعم الوكيل عليكم

لي تقريبا شهرين اراسلهم بالفاكس والايميلات واتصالات .. لكن ماااااش

موظف يقولي لا تخاف .. مشكلتك بتنحل .. وموظف ثاني يقولي خلاص انت ماراح تندعم مرة ثانية

بالله عليكم وش الحل ؟؟

اللي يقدر يفيدني لا يبخل .. وعلى الله الجزاء


عذروني عالاطالة لكن مقهور حدي