اخوي هذا مشروع يكسب ذهب اذا تقدر وعندك استعداد تام انك تقوم بهالمشروع لا تفوته
واهم شي المواعيد لا تتاخر عن الموعد وخلك امين وكريم والله ينكبو عليك الناس
اعرف واحد شغال على هالشغله كان معه فان
ويوصل بنات ومعلمات جواله ماشاء الله عليه مايوقف
وبحكم المكان قريب ياخذ على كل بنت 200 ريال في الشهر
والمعلمات 500 ريال فقط
والحين عطى ولده الفان وشغله بنفس الشغله
وهو طق له جمس اخر موديل ونفس الشي يوصل
طبعا الفلوس تحدد على حسب المسافه
بالنسبه للاعلان
عندك النت
واطبع لك كم ورقه وعلقها عند المدارس
والجريده
واهم شي اذكر مميزات السياره
لان فيه بنات يتشرطون ابي مغيمه ابي مكيف .......الخ
وبالتوفيق