اقتباس:
المشاركة الأصلية كتبت بواسطة M5awi hm
يعطيك العافيه اخوي مخاسير
طيب وش تنصحني فيه الراجحي يقولون ياخذ لحد 6%
وكثير ناس يقولون اقل البنوك هي الانماء والبلاد
انا مارحت سألت تعرف خميس وجمعه
وبالنسبه لراتب الشهرين .. ياخوان احنا اعتمدوا اسماءنا الاسبوع الي راح يوم نزلت على شريط الاخباريه
يعني من ذاك اليوم حنا موظفين رسميين نقول ان شاء الله يارب يارب انها تشملنا
واذا ماشملتنا فالحمد لله على كل حال مانبي نصير طماعين  |
الراجحي متخصص زرف اجل 6% !!!
وين عايشين فيه اكبر نسبه مرت علي بحياتي الصراحه
اللي يبي المعاناه يحول راتبه للراجحي كل شيء عندهم برسوم حتى كشف الحساب 10 ريال شهرياً
اول شيء البنوك الآن ماتعطيك لازم تكمل 3 شهور في وظيفتك وبعدها تقدم على قرض
و يعطونك من 15 الى 18 راتب
بنك الإنماء و الاستثمار و الجزيره هم أقل نسبة قروض الحين حسب علمي
بعدين مايحتاج تروح للبنوك ادخل مواقعهم على الانترنت وخذ الرقم المجاني لكل بنك واتصل بهم
يجيك خيار طلب التمويل الشخصي اضغط التحويله و إسأل الموظف
يبي يسألك وين تعمل وكم راتبك وكم خدمتك وكم عمرك ويعطيك كم نسبتهم للقروض وكم راتب يعطونك 15 أو اكثر
بالنسبه للراتبين اتمنى من الله العلي القدير انها تشملنا
لأني استلمت خطاب تعديل المهنه ومعه قرار التعيين و مكتوب فيه :
يعتبر تعيينه اعتبار من تاريخ المباشره ، يعني من تاريخ المباشره وليس من تاريخ صدور القرار
عشان كذا خايف ماتشملنا الراتبين
وهذا يعتمد على وزارة العدل ان رفعت اسمائنا فهي تبي تجينا وان مارفعوا اسمائنا معناها ماتجينا
لكن نقول الله يرزقنا هالراتبين