انتي تتكلمين من فراغ ولا تعلمين عن المخفي ولا شي

مو كل من دخل كليه خاصه ياحبيبتي يعني عنده قرنقش

فيه ناس كثير باعوا سياراتهم وأخذوا قروض عشان يدخلون اولادهم

وفيه ناس يقدرون يصرففون بس بالمقابل عندهم مسؤوليات ثانيه

واحنا طلاب كليات الطب كتبنا واحتياجاتنا توصل بالألاف
(ملابس طبيه - كتب طبيه توصل اسعارها لل2000 ريال -ادوات طبيه سماعات و ..الخ -
لابتوب مانقدر ندرس بدونه -غير السواقين الي يوصلونا للكليه )

من غير تذاكر السفر توصل للألف

ومن غير حق السكن يوصل للعشرين وفوق

ومع العلم لسى مادفعت حق السكن للترم هذا ومستحيه اتصل على اهلي اطلب

فوق المبالغ الي اطلبها

ولسى الاكل انا اصرف على نفسي حتى المويه اشتريها ..

وغيري كثير كذا

وماطلبنا غير مكافأه على الاقل نغطي فيها مصروفات الدراسه والمعيشه ..

ماسألتي ليش كليات الطب مكافأتهم اغلى من الثانين ؟؟؟؟

انتي عايشه عند اهلك ماتحسين بقيمة المويه الي تشربينها الأكل الي تاكلينه
الصابون الي تغسلين فيه ...

اقلها ما ألاقي حق الباقه الي اكلم فيها اهلي

وغيرهااااا الكثير وما خفي كان اعظم

ما طلبنا غير مساواتنا بطلاب الابتعاث الخارجي

وزي ماهم يعانون احنا نعاني نفس المعاناه


يكفي احنا متغربات ونستحي نتصل على اهالينا نطلب الريال والريالين
وهم عندهم مسؤوليات غيرنا و الله يعينهم لأن مانحب نضغطهم زياده


حطي نفسك مكاني وتحسين بإلي انا فيه


اتقوا الله