اقتباس:
المشاركة الأصلية كتبت بواسطة انا صاحي لهم
انا سويت المقابله النهائيه
ركز على انك تجمه معلومات عن الشركه
طبعا اول ما تدخل عليهم بيعرفونك على انفسهم
وبيقول لك حنا من شركة زين
نببيك تعرفنا عن نفسك وتعطينا نبذه عن حياتك العمليه
والعلميه
طبعآ بعد ماتخلص بيقول لك كيف لغتك الانجليزيه
اذا كانت لغتك قويه حاول انك تتلكم بتركيز وببطء
اذا لغتك نص ونص قولهم الصراحه
لأنه ممكن يكمل معك المقابله باللغه الانجليزيه
بعدين راح يسالك عن شركة زين وش تعرف عنها
وبعد ذلك راح يسالك عن خبراتك العمليه
وين اشتغلت وكم سنه اشتغلت
وبيسألك سؤال
يقول وش اكبر مشكله واجهتك في عملك
وكيف استطعت حلها
وبيسألك سؤال ثاني
بيقول عندك جهازين
وبياخذ جواله وجوال خويه بيحطها على الطاوله
وبيقول لك
هذا الجهاز (1) عليه اعلانات وعليه دعايه كبيره
ومسوق نفسه بنفسه
وهذا الجهاز (2) جهاز ( مكدس ) يعني ماعليه طلب
ونبي منك تقنع الزبون أنه يشتريه
وبيقول لك كم تتوقع الراتب
طبعآ قول من 4000 الى 5000
بعدين راح يقولك المسمي الوظيفي
وراح يقولك كم بيكون الراتب تقريبآ
وبيقول انتهت المقابله
عندك اسئلة
عاد انت قول لهم الاسئله اللي انت محظرها
المقاااااااااااابله سهله جدآ جدآ
واسهل مما انت متصوره
بس توكل على الله
قبل الدخول
والله يوفقك
اخوك
انا صاحي لهم
|
أشهد ان المقابلة تدور بهذا الشكل على الرغم اني مسوي المقابلة في جده لكن فعلا طبق الاصل من اللي ذكره الاخ (انا صاحي لهم)وهو من شباب الرياض جزاه الله خير