السلام عليكم ورحمة الله وبركاته
بسم الله الرحمن الرحيم
اقتباس:
المشاركة الأصلية كتبت بواسطة سقيا ومستنجد
مرحبا نور
زي ماذكرو الأخوان من قبل .. الأختبار مقسم الى 4 أقسام
listening-Grammer-Vocabulary-Reading
الاستماع 25 عليه .. سهل جدا .. جمله واحده وعليها خيارات وانتي
تختاري ايش الي سمعتيه بالضبط .
القواعد . 30 عليه سهله برضو .. جمله وفيها شي ناقص وفي خيارات
وانتي تختاري الي تشوفي منطقي ومناسب .
الكلمات 25.عليه جاتني كلمات مش معتاد سماعها .. يعني غريبه عليا بصراحه
تجيكي كلمة في جملة ويحطو لك خيارات وانتي تختاري المترادفة الي تشوفيها أنسب .
القطع 20 .. جاتني اربع قطع كل قطعه مكونه 100 كلمة يعني برجراف أو اثنين ..
وعليها أسئلة .. وعليها خيارات .. بعضها سهل جدا والبعض الاخر .. لازم تفحطي شوية هههه
مواضيع القطع كانت :
1-( الشاي الأخضر )
من فين يزرع ؟ ومن فين جات عادة شرب الشاي الأخضر
وفوائد الشاي الأخضر على المدى الطويل ... لتطويل عمر الأنسان .. الخ .
2- اختبار IQ للذكاء :
ماهي الاشياء التي تزيد من معدلات الذكاء عند الأطفال .
دور التقنية والتعليم والبيئة الأسرية في تنمية ذكاء الطفل .
3- الايماءات والايحاءات :
أنواع الايماءات 3 أنواع
1- من أنواع الايحاءات الوجهي .. الذي يختص بالوجهه
2- النوع الثاني الجسدي .. الي يختص بالجسد .. مثل لمس الانسان لنفسه ( مثل حك الراس
شد الاذن اثناء التفكير , شد الشعر , وشد العقد للنساء .. الخ)
3- النوع الثالث ( ماني فاكرته هههه)
وهل مثل هذه الايحاءات تدل على غضب مكبوت أو شخصية معقده .. لايمكننا الحكم على الاخرين !
4- القطعه الثالثة :
كانت عن الرياضه .
الأختبار طويل حبتين .. طفشت مره وماقدرت اراجع .. انتي حاولي تكبري قلبك ..
وتراجعي وحطي في بالك مو شرط كل كلمه تعرفيها في الاختبار انا جاتني كلمات كتير مامرت عليا .. بس قدرت أفهم المعني من السياق .
دا الي فاكرته .. نور وقبل الاختبار حاولي تراجعي الازمنه مو المعقدة .. الازمنه كانت العادية المتعارف عليها
.. البيرفيت والسيمبل والكونتينوس .. مافي شي مركب بزيادة .
وأول ماتخلصي من الأختبار روحي لقسم التوظيف المحلي وشوفي درجتك عندهم
عشان لو كانت كويسه على طول تحددي موعد المقابلة الشخصية .
بالتوفيق نور اذا عندك اي استفسار اضافي .. ماتردك إلا نفسك ..
تحياتي !
|
.......
انا اليوم اختبرت وجتني نفس القطع الي جتك بالضبط 
..
المهم حددولي المقابله المبدئيه الاسبوع الجاي
انا خايفه من المقابله ..
يمكن لانها اول مره بالنسبه لي و لاني ضعيفه بالمحادثه بالانجلش يعني اقرا واكتب و اسمع بس مااعرف اتكلم 
هل المقابله فيها رسوب ونجاح والا كيف طريقتهم ؟؟؟
عن ايش يسئلون ؟؟
الي يقابلني حرمه والا رجال ؟؟ و كم واحد او وحده؟؟
وش نصايحكم ؟؟؟
شـكرا لكم وبارك الله فيكم ... لكم مني أجمل تحية .