اخوي العسكرية يعاب عليها :-

1- لا يوجد تطوير ولا تخصص .. يعني معك تخصص هندسه يحطونك على مكتب ضابط وتوقع اوراق وتنسى تخصصك والتدريب بالواسطات ولكبار الضباط اما الصغار يا اما على حسابه او يتجمد

2- لا يوجد مناسبه لمؤهل العسكري مع رتبته فالجامعي رتبته المستحقه ملازم ويعين وكيل رقيب في بعض القطاعات وبعضها يعين جندي مثله مثل الي معه ثانوي وجربتها في المباحث يوم قدمت قالوا نحطك جندي يعني 4 او 5 سنوات درستها بالجامعه بلها واشرب مويتها

3- اذا الضابط المسؤول عنك ماعجبه شكلك ولا ما هضمك راح تتجمد وظيفيا وتمنع عنك الاجازات ولا تقدر تشتكيه لانه معلق كم نجمه على كتفه

يجب حل كل العقبات حتى ينخرط الجميع في القطاع العسكري ويتشرف بالدفاع عن وطنه