امس طلعت انا واصحابي للبر في السيل الكبير وتكينا عند ذاك الجبل في الليل والله ونطبخ عشانا وقعدين نسولف وننتظر ريجيل بيجونا اخذو ابو ساعه وعليها وجونا وقعدو وسواليف بس خذنا يمكن ربع ساعه الا والحذ الي يجينا
يحذف ويحذف قلنا للي جونا اذا معكم احد خلوه يجي بلا مزح بايخ قالو مغير حنا شوي الا والكلاب تنبح وصوت شي
ينوح مدري كيف اوصف الصوت يفجع والكلاب ما تنبح عبث قام واحد من الرياجيل الي جونا قال الي مهو متوضي يتوضاء فيه جن اعوذ بالله تعال شوفنا قلوبنا في سراويلنا والله ونقراء المعوذات كنا ارتحنا نفسين شوي شي جاي يمنا اسود في اسود ويناهق وقف جنب سيارتنا وقال الرجال الي معنا تعوذو من ابليس والشي الاسود يخبط في سيرتنا وراحله واحد من العيال يكلم الجني ويقله حنا في ارضك نمشي والجني يناهق قال خوينا يله مشينا والله صدقنا قمنا نلم اغراضنا والجني عند السيارة واقف ما راح شوي تبان الخباله طلع واحد من العيال لابس اسود وحاط شال علئ راسه وتعال شوف نصفق فيه لين قال الله حق ويقول خلاص توبه معاد اعيدها
هذا هو المزح الي ماله داعي