اقتباس:
المشاركة الأصلية كتبت بواسطة ولهله
الله يوفقك ويكتب لك مافيه الخير
يارجال يمكن الله يريد لك خير منها
اتذكر احد الزملاء زمان تخرج من الثانويه وانقبل بالعسكريه رتبة وكيل رقيب ورفض يدخل يقول ابي اكمل دراسه
وزمان كان القبول بالجامعه صعب
المهم ماخلا واسطه لين دخل الجامعه ودرس وماتخرج الا بعد 6 سنوات
وجلس عاطل لين رجع للعسكريه وتوظف برتبة وكيل رقيب واخوياه اللي مادرسوا بالجامعه صاروا رقباء اوائل لانهم ماكان عندهم واسطه بالجامعه وسبحان الله صارت العسكريه خير لهم
يأخوي الخيره فيما اختاره الله
واذا انت تبي حل
انصحك تكتب برقيه لسمو الامير محمد بن نايف وانصحك لاتشكتي ولاتسب قوة الطوارئ لان بالنهاية البرقيه بتوصلهم ويمكن يحقدون عليك
يعني قول انك تبي تخدم الوطن ومن هل الكلام وقول انك قدمت اكثر من مره واني اسمي لازال على قائمة الانتظار وانتظر كرم سموك بتعميد قبولي
واذكر ان طولك ووزنك وشهادتك مكتملة الشروط
والاهم اذكر مؤهلاتك يعني دورة الكارتيه والخبره وقول ابي اسخر خبراتي ودورتي في خدمة وطني
وعسى الله يوفقك ياخوي
طبعاً طريقة ارسال البرقيه:
اكتب البرقيه بورقه وصياغه ممتازه
وبعده اتصل على الرقم 969 من الجوال او الهاتف ولازم يكون باسمك او اسم والدك وبيرد عليك موظف وانت اقراء عليه البرقيه وهو يكتبها ويرسلها ،، طبعا كل كلمة عليها رسوم ماليه.
او انك تذهب بالبرقيه الى البرق والهاتف وهم يرسلونها ويعطونك رقمها
اعتذر على الاطاله
|
[align=center]
كلام عين العقل وأعلم أن الخيرة فيما أختاره الله لك ويمكن أنك مصروف عن شرور ومشاكل كثيرة بعد التحاقك بالعسكرية
[/align]