[align=center]بسم الله الرحمن الرحيم

كيفكم شباب من جد في موضوع محيرني وحبيت اطرحه لعل وعسى يدخل العقل

انا قدمت على الامن العام اخر تسجيل طبعا وطلبت (عسير) المهم طلعت الارقام ورقمي للاسف ما طلع وبعد اسبوعين او شهر جاني رساله تقول ( تم قبولك مبدئيا وعلى المراجعه يوم السبت في الوقت المحدد مصطحبا الاوراق المطلوبه ) المهم اخذت الاوراق المطلوبه ورحت يوم السبت وانا كأني في حلم .

دخلت واخذ الطول والوزن وعطاني اوراق القبول المبدئي اللي هي ( دفتر طلب الالتحاق والمستشفى والادله الجنائيه والاحوال ) طبعا قالو تسلمونها وتسوون المقابله الشخصيه الاربعاء مو الجاي اللي بعده ومشينا .

طبعا خلصت كل شي رحت لهم يوم الاربعاء وسلمت الاوراق وسوينا المقابله واعطونا رقم الطلب وورقه الطلبات للقبول النهائي اللي هي الملابس ومدري شنو ( طبعا ورقه مليئه بالطلبات ) طلعت وانا مثل النايم اللي يحلم وصلت السياره قلت لازم اتأكد ان الشغله مو حلم رجعت للجنه وقلت متى الدوره ، قال الارقام راح تطلع في الصحف المحليه والانترنت .

( هذا اللي صار ارجوا اللي صار له مثل كذا يقول ، س / وهل يعني خلاص انقبلنا وراح ندخل الدوره ؟ )[/align]