الفكرة على نقاط، بالترتيب: أولاً: نصمم شعار مميز، مثل "خلوها تصدي"، اذا تذكرونه؟؟ حق السيارات. المهم التصميم يكون عنوانه بسيط ومعبر وشعبي مثلاً "مانبي مفاضلة وظفونا كلنا" أو "ياديوان المظالم وظفونا كلنا" أو "وظفوا حقين السادسة" يتكون من تاريخ التقديم وشعار كلاً من الخدمة المدنية، وديوان المظالم، وأهم شي إنه يدل على إننا اصحاب المرتبة السادسة..إذا فيه أحد الشباب عنده موهبة التصميم ياليت والله يسويه. ثانيًا: نغير إسم صفحة الفيس بوك إلى نفس مسمّى الشعار اللي حطيناه، وهالمرة أتمنى الجميع يسجّل ويسوي دعوة لربعه على الفيس بوك إنهم يدعمون الصفحة ويأيدونها، نبي نكون واجد. ثالثًا: نسجل بالمنتديات المهمة (الساحات وغيره) ونحط رسالتنا ونرز شعارنا وصفحة الفيس بوك مع الرسالة ونقولهم إدعموا صفحتنا. وتكون الرسالة بالقسم العام، أو القسم اللي يهتم بمثل هالأمور على حسب المنتدى المُسجّل فيه (علشان نجمع أكثر قرّاء للرسالة ومؤيدين لصفحة الفيس بوك) ويتابعها صاحبها، بحيث يرفع الموضوع إذا نزل ويرد على اللي ردوا، ويصعّد المسألة، يخلي الناس تنبهر ، وتحس إننا مظلومين وإن قضيتنا مهمة. رابعًا: أدري طولت عليكم ، المهم كلنا يكون الشعار هو "الصورة الشخصية" و "التوقيع" لكل عضو سواء بالمنتدى هذا أو المنتديات اللي سجل فيها لكتابه الرسالة (السابقة)، وتكون صورة الشعار هي صورته الشخصية على الفيس بوك. واذا فيه اشياء ثانية مافيه مانع، جدار غرفته، يعلقها بمراية السيارة. خامسًا: وما أدراك ماخامسًا، خامسًا هذا ياطويلين العمر شي مهم وضروري جدًا جدًا، وراح نكون سباقين على مستوى العالم بإننا نسويه. وهو إننا نسوي إستكر لاصق من هالشعار (أي مطبعه تسويه)، بس تحتاج شخص من أهل الرياض عنده الشجاعه، والقدره، ويضحي من أجل الجميع. بعد مايسوي الإستكر، يروح لديوان المظالم، وديوان الخدمة ويلصقه على سيارات الموظفين، وداخل الأصنصير، وباب الديوان، وجبهة المدير . ثم يروح جريدة الرياض، ويسوي المثل، والجزيرة...إلخ، بحيث إنه يشد الصحفيين ويكتبون عنه. بعدها بكاميرا الجوال نصور الشعار وهو لاصق بباب الديوان، والسيارات...إلخ + رسالتنا+ صفحتنا على الفيس بوك ووقتها تكون مليانة مؤيدين (من كثر اللي شافوا الشعار بالمنتديات والاصنصيرات) ونرسله للصحف، صدقوني إن تشوفونه مختوم ختم بالصفحة الرئيسية بأي صحيفة وتعليقات بالهبل، ويمكن صوتنا يصير وقتها وصل عبر المنتديات أكثر من الصحف اللي ذلتنا مانشرت المعاناة. الفكرة جديّة ياشباب وترضي الجميع ولا فيها شحاذة ومكرمة، بل العكس فيها شجاعة وهمّة، وكلها بظرف يومين ونكون منجزينها. وتذكروا دائمًا إن المسؤلين عندهم فوبيا تسمّى الإعلام، أي شي ينشر غسيلهم يخافون منه. ولكم في موظفين الكهرباء وغيرهم أسوة