اقتباس:
المشاركة الأصلية كتبت بواسطة انسان مسلم
بقول لكم شي قاهرني
طبعا انا امراة كنت موظفة 7 سنوات بمدرسة اهلية وتركتها من الظلم
الحين قدمت بحافز
لكن القهر ان سلايفي وبعض الاقارب ( نساء)مو محتاجين وقدموا وهم اصلا مايبغوا وظيفة بس يبغوا الاعانة
بالله وين العدل ؟!!!!!!
انا مو فاهمة شي؟!!!!!!!!!
|
بعض الناس كمخ وانااختك ماعندهم عقول تحمدي ربك على نعمه العقل الي عندك
قولي لهم انتم فاهمين الاعانه تحسبون بتجيكم في يدكم ؟
الاعانه فقط للباحثين عن عمل مو عامة الشعب ولجميع العاطلين
الاعانه لفئه ضئيله ذكرو هالشي في الجرايد قبل يومين
بيكون فيه حصر وفرز للمستحقين
وبيدورون وظايف كلن حسب شهادته
لقو وظيفه ودقوا علي قالوا يلا راجعينا لقينا لك وظيفه قالت لا والله ماابي 
بعيده عني مالي نفس ماتناسبني خلاص حنا سوينا الي علينا انتي تبين فلوس ونوم مالك شي عندنا
الي مايلقون لهم وظيفه في اي قطاع خاص هم الي يصرفون لهم اعانه مؤقته وترا مهيب شرط سنه كامله يمكن ماتنصرف الا فتره معينه وبعدين يلقون وظيفه ويقطعونها
اشوف هالحريم يتطامرون على البنك زحمه امة لااله الا الله ويفتحون حسابات اثاريهم يولمون العصابه قبل الفلقه ياعزتي لهم واذا ماشملتهم قاموا يصايحون ويولون وظلم ومدري ايش
انتظرو الشروط الي بتصدمكم 
اجل اميين مسجلين وبزارين مسجلين وهم يدسون والله نص الي سجلوا يبون فلوس فقط لاغير
مايبون وظيفه مساكين الله يعينهم ع الصدمه هههههههههههه
صديقتي مسجله امها وهي اميه ماتقرا ولا تكتب وللعلم ماتبي وظيفه تبي دراهم
ومسجله اختها انتساب ليش لانها تدرس في البيت صارت عاطله
تتوقعون كل من سجل بتشمله الله يهديكم بس
وسعي صدرك الحكومه ابخص ماراح ترمي فلوس لكل من هب ودب بتعطيها لمستحقيها المحتاجين فعليا للوظيفه
