السلام عليكم ورحمة الله وبركاته ...
صــــــــــبآحكَ /مســـــــآئكـَ
بآلف خير..
أول كلامي لك يآمصرقع.....
وين تم التعيين بشرني..؟؟!
الحمدلله تعينت بالشرقية
أقسم بآلله أني أدعي لك ولشبآب أن الله يتمم عليكم بكل خير
ويسر عليك ويسخر لك كل أمر صعب.. وعسى ان شاءلله يكون تعيينك في الكان اللي تتمناه.
الله يوفقكـ و يجزاك الف خير
عندي لك كم سؤال واسف أذا فيها أزعاج أشوي
لو كان فيها ازعاج ماكان رديت عليكم ولا نزلت هالموضوع
بالنسبة لدورة وين راح نكون بألظبط هل في نفس المبنى اللي فية الادارة..
يعني هو نفسة اللي نروح ونرجع عليك وقت التسجيلات ولا التدريب والسكن في مبنى ثاني..؟؟
لاني سمعت انوه راح يتغير المكان؟؟!!!
نفس الكلام سمعت وان شاء الله انه ما يتغيير في مدربيين يقلون بيتجدد وفي
الي يقول بيتغيير ومن صالحكم اذا ما تغيير لأنه وسط مدينه وميدانه يعتبر
مواقف سيارات بالنسبه لمدينه تدريب الرياض يعني ولا شي
لاتأخذني على هذا السؤال ..<<<يشوفه صغير وقديم حييييل ...ولد عز يبغى كل شيء جديد ونظيف
-بالنسبة لاعمال المرور وش طبيعة العمل فيه هل إدارية ولا ميدآنية ولا سوى سوى.!! 
حسب اذا رحت مرجعك هم يحددون وين بتكون وغالبا الجديد ينزل ميدان
- بالنسة لوضع الاحتياط هل كان معكم أحد من الاحتياط بآلدورة؟؟؟!!
اول يوم في الدورة انحاشوا 40 واحد ودقوا على الأحتياط جابوا بدالهم
مده اسبوع كل ما ينحاش واحد يجيبون بداله
وهل سمعت شيء بخصوص ألاحتيآط لهذه السنة لان جاني خبر .بس أبغى أتأكد..!
لا ما سمعت
-بالنسبة للمدربين هلى هم متساعدين معكم بالتدريبات ولا يكرفونكم بدون رحمة ..
أحمد الشهري هو نفسة رائس التدريبات..!! والله انه كفوووو
لا احمد الشهري مدرب فصيل ويعجبك لبى قلبه
شوف مدربين فتره الصبح الله لا يوريك ما بتشوف الابتسامه في وجهه الا نهايه الدورة
اما العصر فله وعندك احسن المدربين زايد الزهراني يسمونه زايد الخير
-طيب هل الملابس اللي تتسخ يوجد مغسلة ولا وش السوات بالضبظ...!!
اي تجي سيارة من المغسله تاخذ كل ملابسك وترجعها ثاني يوم
-على حسب كلامك أن رمضان بنكون بمدينة التدريب يعني ماراح يكون انتداب لــ مكةالا فقط بالحج..!
حنا مارحنا مهمه رمضان بس من صالحكم لأنها بتكون لكم اجازة قوية 25 يوم
اما اذا رحتوا بتكون 15 يوم بس
- طيب ودي أعرف يأخوك أن يكون بالتدريب فيه مواقف وحركااات تصدر سواء من الطلاب او المدربين نبغى نعرفها..!!
وبدون ماتخش شيء بقلب نبي نأخذ خبره لا هنت
طبعا" فيه كلمات تمويه بين بعض تصدرة نبي نعرف وش معناها على شان الخبره ياولد عمي..
واذا ماتقدر تقولها تكفى طلبتك ... أرسلها لي على الخاص..
مافهمت
أعرف اني تعبتك بس والله الاسئلة كثيرة بس مافي أحد كفووو غيركـ
نقدر نلتجأ له بعد رب العالمين سبحانه علشان نوجه له اللي بخاطرنا من استفسارات تفيدنا
تعبك راحه ياكفو ترانا حاضرين لطيبين
واخر شيء<<<< بعد فيه أخررر حشرت الرجال يأ
لك خالص الدعاء مني في ظهرِ الغيب بالتوفيق والنجاح وعساني أشوفك معرس قول أمين
وياك ان شاء الله ونصيحتي اذا تبي تعدي الدورة عليك بالصبر
اهم شي تكون صبور خل اللياقة وكل شي على جنب اهم شي الصبر
تحياتي لك...
أخوك في الله /جريح السنين.