[align=center]
مساء الخير و جمعة مباركة على الكل
شكرا لكل من رد على موضوعي و اتحفني بمشاركته
انا ان شاء الله راح اسئل مفتي عن مسئلة الصرف و ان لقيت الشغله حرام راح الغي الفكره من بالي
و بالنسبة للإشراف على المعارض هي تجربة جدا رائعة و ممتعة نفسي اخوض هذي التجربة
لكن اتوقع انها تحتاج وحدة تكون قيادية و قادرة على التنظيم و تكون صادقة اولا و اخيرا مع المشاركات اللي تتعامل معهم
عن تجربه انا شاركت في معرضين فقط
الاول كان لمدة يوم واحد فقط و ما علمنا عن المعرض إلا قبله بيوم و شاركت فيه مع ان المعروضات اللي بعرضها قليل كون الفتره قصيرة و كان اجار الركن ب150 ريال و لله الحمد كانت المشرفة على المعرض منظمة الطاولات على عدد المشاركات ما نقصت و لا طاوله و كان تعاملها راقي مع البنات
بينما اشتركت بعدها باسبوعين في معرض آخر كان لنا الخيار نحن المشاركات ان اردنا يوم أو أردنا تمديدها لمدة يومين و أجار الركن 200 ريال جيت للمعرض على الوقت لقيت العالم حوسه اللي حاجزه لها طاولتين و هي اساسا مشاركة بطاوله وحدة و الكل اخد ركنه جيت ادور لي طاوله ما لقت سألت المشرفه قالت لي انا مش مسؤوله عن الطاولات انا فقط للي يبي يحجز ركن يجي يحجز عندي
طيب وين المسؤوله ؟ قالت ما ادري عنها انا اتصل فيها و ما ترد
المشكله اني متصله من قبل اسبوع و اسمي موجود من ضمن المشاركات بس الحمد لله اني ما دفعت لهم اجار الركن
قلت خلاص ما ني مشاركة دام هذا نظامهم
بعد عناء لقيت صاحبة لي الله يجزاها خير قالت لي ما تطلعين و انتي ما شاركتي بالمعرض جايه و متعنيه و تعبانه على الشغلات اللي سويتيها و في الاخير تطلعين بدون مشاركه
اقسمت لي طاولتها جزء لي و جزء لها و دفعت نصف الاجار لها الله يجزاها خير و يبيض وجهها
هذا مثالين لمشرفات على معارض
يعني مش اي وحده تكون مشرفه على معرض لازم يكون عندها استعداد و تفرغ
و اكيد الشغله مربحة و ممتعة في آن واحد
ادري طولت لكن اتمنى اني افدتكم
وتنوروني بمشورتكم و اقتراحاتكم
[/align]