المشاركة الأصلية كتبت بواسطة أحساس مترف

والله شباب البلياردوا كثير منهم جاين بس لصيد
يعني أذكر مواقف صارت معي أول شي يطلبونه الإيميل أو الفون
وإذا سفهتيه يترجاك والله تستحين منه من كثر ما يترجاك

أذكر واحد قالي هذا رقمي تكفين دقي علي قمت قلت له أبشر الحين بدق عليك
قام قالي لااااا الحين لاااا زوجتني عندي ههههه

طبعا أنا أسلك له قلت متى تبي طيب قال الساعه عشر
والله كنت أضحك بس يضيق صدري منهم دايم أخاف أضعف

بس كان الشي إلي غيرني أنه واحد كان يقولي خلاص طيب عادي
ضيفيني على البيبي عادي ما تعرفيني وكنت بجد أفكر أضيفه

وكنت أسولف لأخوي وأقوله على بعض المواقف المضحكه
طبعا يمكن غباء أو عفويه أني أسولف لأخوي هالسوالف

كان يسكت ويضحك ويسلك لي بس من فتره قبل يسافر
قالي أبيك توعديني وعد ومو أي وعد هالوعد بسألك عنه وبحاسبك يوم الدين لو ما وفيتيه

قالي أبيك لو لعبتي بلياردوا ماتكلمين أحد ولا تتعرفين على أحد حتى لو كانت بنت

والله أني حسيتها قويه وصعبه بس والله ارتحت

ما يستفاد مما أعلاه

بجد إلي يتكلم اسفهيه وترى حنا بسطاء ناخذ الأمور بعفويه ولعب
بس هم لا

الله يهدي الجميع ويستر على بنات المسلمين آآمين