أول شي
الله يستر علينا..ويربط على قلوبنا..ويثبتنا على طاعته..ولايجعلنا عبرة لغيرنا

ثانياً
أنا ماراح أتكلم عن القصة ومن المذنب فيها
لأن القصص هذي سواء حقيقية أو من نسج الخيال..
يبقى الخطأ خطأ..والناس اللي يغلطون هم أكثر ناس يعرفون إنه غلط.. وكل نفس بما كسبت رهينـة..
بس أبغى أوجه رسالة للناس اللي استهزأوا وسبوا وتشمتوا
إذا ماعندكم نصيحة أو كلمة تكن حجة لكم أو تثقل ميزان حسناتكم..
فاكتفوا بقول(الحمد لله الذي عافانا مما ابتلاهم وفضلنا على كثير ممن خلق تفضيلا)
لا أحد يقول أنا واثق وضامن وعارف نفسي
أنا قرأت قصة قبل فترة عن بنت كان يخجل الحياء من حيائها..حتى البنات اللي معاها كانو يخجلون منها ومن التزامها وطاعتها لربها
وكانت تقول عن نفسها إنها حديد..و الحديد مستحيل يذوب..
وفي لمح البصر..وقعت في الفخ ..وصارت عبرة لغيرها.. وليس ذلك على الله بعزيز

لا الدنيا لها أمان ولا الفتن راح تعلن انسحابها من ساحة الحياة..ومافيه أحد معصـوم..
القلوب بين أصبعين من أصابع الرحمن..
ممكن اللي نشوفه خطأ اليوم ومستحيل نسويه..بكره ربي يبلانا بسبب استهترانا
ويصير الخطأ صح..والحرام حلال في أعيينا