المشاركة الأصلية كتبت بواسطة Turki

وعليكم السلام ورحمة الله وبركاته

بالفعل السيره الذاتيه من أهم الخطوات الأولى لطالبي العمل.. فلا تستعجلون في عملها و راجعوها مره واثنين وثلاث وأكثر أقبل ما تعتمدونها.. لانها مثل مفتاح الكنز مفتاح الوظيفه...

و هذي بعض النصايح مني:
- عدم العجله مثل ما ذكرت لكم.. على سبيل المثال انا أخذت مني السيره الذاتيه مو أقل من اسبوع و أكثر...
- عدم الاكثار من عدد الصفحات.. على سبيل المثال صفحه أو اثنين بالكثير هذي كافيه برأيي للي مالهم خبرات أو طالبي عمل جدد...
- المعلومات المذكوره في سيرتك الذاتيه ما تمشي معا كل الجهات اللي راح تقدم لها.. يعني كل ما تبي تقدم على جهه معينه شوف ايش هي الوظيفه اللي انت اخترتها و راجع سيرتك الذاتيه لانه يمكن يكون فيها معلومات مالها داعي أو علاقه بالوظيفه اللي انت مقدم لها أو معلومات أو نقاط ناقصه!
- حاول تخلي سيرتك الذاتيه مميزه.. على سبيل المثال انا سيرتي الذاتيه من ورق غالي و لون مختلف موب الأبيض و الملف المستخدم موب الأخضر و من استايل مميز و فيها أشياء أضفتها كتميز عن غيري و طريقة عرض السيره مختلف... و فعلاً انا حصلت على النتيجه المتوقعه المرجوه من كل هذا التعب و المراجعه والبحث والمبالغ الاضافيه و الوقت لانه في كثير من الجهات اللي انا قدمت عليها لفت انتباههم السيره الذاتيه و شكروني عليها و البعض من الموظفين سحب ملفي أو سيرتي الذاتيه من تحت متقدميـن كثر لانها لفتت نظرهم!!!
و فيه نصايح ثانيه لا كاتب الموضوع ولا أنا ذكرتهم لانه اللي يبي بيحث عن السر في نجاح مثلاً أحد الخطوات مثل السيره الذاتيه فانه يبحث عنها و يتعب علشان يحس بطعم النجاح الحقيقي...

بالتوفيق ان شاء الله للجميع و الشكر موصول لكاتب هذا الموضوع : )