اخوي مندوب مبيعات.....
خلنا نكون واقعيين... المشكلة الان من كلا الطرفين.. والشباب فيه اكبر...
انت قلت طبيعي الشاب يدور بنت جميلة... طيب البنت الجميلة هم تبي رجل على قدر من الوسامة وهذا حق لها...
الشباب يحطون شروط تعجيزية للبنات من طول وخصر وبشرة لون وشعر الخشم ...إلخ
يشوفون بنات التلفزيون الكوافير فوق راسها و99 الف عملية تجميل يبون بنت والوقع مثلهم.... ويبون هم زوجات تمام... تطبخ وتكنس وتغسل وامهات وغيره وغيره
فيه بنات من هذي الفئة اللي 24 ساعات تدلل بنفسها وتصرف ببذخ بس هذي مو مال طبخ ونفخ .. هذي بس دلال ودلع..ما يقدر يعيش معها الرجال...
الشاب اللي يبحث عن الجمال فقط هذا شاب غبي جدا ... لانه فقط خلال سنوات بيروح الجمال ... وتبقى الاخلاق...
والبنات مو كلهم يبحثون عن الجمال الاخلاق اهم...
ولا كل الشباب شرطهم الجمال هو الاول..
والمشاكل من تبدأ يروح الجمال..
وش اسوي بجماله ؟؟؟مرده بيصير شايب تنترس لحيته شيب
واذا عن الطلاق اقولك
1- كثرة العماله الوافده>>> بتقولي ايش دخل هذا بهذا اقولك العماله الوافده كله ترويج افلام اباحيه توفير بنات الليل والحرام صنع الخمر انتشار السحر..هذي من اسباب الطلاق
2- كثرة الخادمات بالبيوت والسائقين>>>السواق يعود الشاب انه كله اهله مع السواق فا من يتزوج ينصدم انه الحرمة هو مسؤول يوديها ويجيبها وتبدأ المشاكل... الخدامة تعود البنت ماكو شغل ببيت الرجل تنحاس..
3- القنوات الفضائية>> الرجال مسمتر على القنوات 
وطايح بين هذي وهذي وما فيه اي احترام لمشاعر زوجته وانها تحبه وتغار عليه... وكل شوي يقارنها بنانسي وهيفا وهن كله عمليات تجميل... وهو مو شايف شكله بالمراية وكرشة المتهدله على باله انه براد بيت او تورم كروز ...وينتقد زوجته العفيفة الشريفة..هذا يسبب مشاكل
4-الاستراحات>>> كثير الحين طايحين بالاستراحات من يجي من الدوام لين الليل وهو شيشة وورقة و الخافي اعظم.. ا وبخيل ما يصيرف علي عياله....
5- البنت والشاب اليوم غير مؤهلين للزواج مو متعودين على المسؤولية..
الشاب يبي خادمة له 24 ساعة ويبي ملكة جمال 24 ساعة من غير ما يصرف ريال ولا يعطيها حقوقها بس خدامة ولعبه عنده
البنت تبي فارس الاحلام,, اللي تحقق معه احلامها الوردية الرومنسي الحنون المحب الشهم...
5- والسبب الخامس والاهم... ترك الصلاة... كثير من الشباب والبنات ما يصلون او يتهاونون في الصلاة.. واللي يتهاون في حق الله اكيد يتهاون في حق البشر...
6-الابتعاد عن سنة المصطفى...
كل من يقول السنة يقول نتزوج 4 فالحين بهذي الكلمة...
مع انه لو طبق بس السنة في معاملة الرسول لسيدة عائشة في كل شئ لكان هو اسعد الرجال وهي اسعد النساء...