اقتباس:
المشاركة الأصلية كتبت بواسطة ابن الهيلا
اخي لك هذه الطريقة والربح إن شاء الله طيب فيها وانا مجربها وسوف اذكر لك تجربتي فيها
الطريقة تشوف افضل نوع من الخضار تفهم فية من حيث هذا النوع جيد او غير جيد وهل علية طلب او لا
على سبيل المثال الطماطم
قبل الفجر بنصف ساعة الى ساعة قبل يبدا الحراج تاخذ لفة على البضاعة التي مجهزينها للبيع عن طريق الدلال
طبعاً انت متخصص في الطماطم رايح تركيزك على الطماطم وتشوف افضل وانظف بضاعة في الطماطم
بعد ما تم تحديد افضل بضاعة في السوق بعد الفجر وانت ماسك خفارة عندها وزاود فيها حتى تاخذها
بعد ماتأخذها انت اصبحت تملك افضل نوع وافضل جودة في الطماطم
نصف ساعة بالكثير وانت مصرف بضاعتك لن اهل المحلات يبحثون عن الافضل وبكل تأكيد بضاعتك هي التي تتصرف اول عن غيرك
تجربتي انا كانت في فترة الصيف مع الرمان
يوم من الايام تم تحديد النوع الذي سوف اشتريه وكان العدد 38 كرتون
بدا الدلال في الحراج حتى وصل 25 ريال ولكن كان هناك شخص منافس لي واتزاود انا وهو حتى اخذتها بـ33 ريال
بعد ما اعطاني النية الدلال الجميع كان حاضر الحراج قالو لي تفرد قلت نعم افرد والكرتون بـ50 ريال بعد شد وجذب معهم وخاصة هم عارفين قيمة الشراء 33 ريال قلت لهم سعر نهائي 45 ريال
ماكملت 10 دقائق حتى تم نفاذ الكمية وطلعت بمكسب حلو 8 ريال * 38 كرتون = 304 ريال في عشر دقائق
|
اخي ابن الهيلا ياحبيبي يابعد حيي , انت اكثر واحد اتابع ردوده بخصوص تجارة الخضار واستفدت منك كثير الله يطول عمرك على الطاعة
انا رحت للسوق هالاسبوع هذا مرتين ولاشفت ولا واحد يحرج الا على الجح بس , الباقين كانوا زي المحلات تجي وتشوف السعر وتشتري يعني مافيه حراج على بضاعتهم . هل هناك وقت معين للحراج او موسم ؟ والا وش العلم ؟
ثاني شي , ماعندك اي معلومات بخصوص التوزيع على المحلات خارج السوق ؟
لا عدمناك
اقتباس:
المشاركة الأصلية كتبت بواسطة راعي الهوى
^
ابن الهيلا
12 * 38 = 456 ريال
صح والا انا غلطان
ــــــــــــــ
الله يعطيكم الف عافية عبود وابن الهيلا استفدت من هذا النقاش
وامتنى يستمر مع مداخلات من اصحاب التجارب حتى نستفيد أكثر
وانا اوعدكم واوعد نفسي بزيارة قريبة واجيب ملخص للتجربة هنا
تحياتي
|
الله يعافيك ونحاول نفيد بالي نعرفه ان شاء الله . وفيه كم عضو التمس في ردودهم الخبرة في السوق ننتظر مشاركتهم مشكورين 
اقتباس:
المشاركة الأصلية كتبت بواسطة فقير إلى عفو ربي
موفق بإذن الله ... لك مني أجمل تحية .
|
الجميع ان شاء الله