السلام عليكم ورحمة الله وبركاتة
صبحكم بالخير يالعمال العمالية <<من قدكم خخخخخخخخخ
حي الله اخواتي المرابطات المثابرات المتحمسات المتحيرات المترقبات هههههههههههه
اول شي حبيت اقولكم اني اشتقت لكم مررررررة
ثانيا اتطمنو انا بخير ولله الحمد
ثالثا ابشركم تم قبولي ولله الحمد
المهم
انا قراءت ردودكم كلها تقريبا ومشكورين على جهودكم
بس بالنسبة للمرتبة الثالثه فاسمحو لي عندي ملاحظه ووجهة نظرعليها
اذا جامعية على المرتبة الثالثه ايش خلينا لثانوي والكفاءه
يعني بالعقل الجامعي يستحق السادسه على الاقل يعني قولو هه نقول الخامسة
مع احترامي لحبيباتي الي يقولو الثالثه بس مادخلت راسي ولو صدق احسه ضلم واجحاف حتى لو كنا مانحلم فيها من قبل
يعني اذا هي ثابته 3000كمتعاقدين ممكن لكن لاتقولون مرتبه لان حتى الثالثه ماتوصل 3000 اكثر بتكون
اما بالنسبه لمباشره بنات بريده
ابوي سال مدير الاحوال وقال ماجت الاوراق اذا جتنا اقولك
(مع العلم انه اول ماقدمت سالناه وقال راح يترسمون بعد فتره على السادسة ومادري اذا صح كلامه او من توقعاته !!!!!!!!!!!!.؟؟)
واخوي امس سال زميله موظف الاحوال وقال كلام بعيد جدا عن كلامكم
قال انه هالاسبوعين للمراجعه والكشف وتعبئه البيانات فقط ولكن مباشره العمل يمكن تكون بعد شهرتقريبااذا مو اكثر يعني يدقون عليهم
عاد انا بيني وبنكم ماقتنعت بكلامه بس فرحت وتمنيت من كل قلبي انه كذا ومافيه مباشره علطول
منها نستعد نفسيا ومنها اكون انا طبت واقدر اباشر معاكم
هذا وصلى اللهم وبارك على نبينا محمد وعلى اله وصحبة وسلم تسليما كثيرا