اقتباس:
المشاركة الأصلية كتبت بواسطة صغنطوط
[gdwl]
ما سجلوا أسمائكم 
[/gdwl]
بيض الله وجيهكم وما قصرتوا لو انا بالرياض والله كان جيت معاكم
على الاقل انتم 8 انا جيت فرع جده اطالع يمين  يسار ما في احد غير قعد شوي ما احد جا رجعت رحت افطر انا وصاحبي وما دخلت لان الرد معروف ( كل شي من الرياض). |
لا ماسجلوا اسامينا ولا شي .. وتعاملهم جداً راقي ..
اول مادخلنا الديوان اخذوا بطاقاتنا وسجلوا ارقامها .. مثلنا مثل أي شخص يدخل الديوان
كل من يدخل يسجلون رقم بطاقته ( الوضع عادي ) ..
رحنا لمكتب الرئيس وكان فيه عسكري .. قال وش عندكم ياشباب ..
قلنا احنا مقدمين على المرتبة السادسة ونبي نسأل عن النتائج قالوا طيب ليه ماتروحون لشؤون الموظفين ..
قلنا من اكثر من شهر وشؤون الموظفين ماعطونا علم أكيد .. قال الله يعينكم ادخلوا
دخلنا وكان فيه شاب وش حليله مدير مكتب الحقيل .. قال عندكم موعد مع الشيخ ؟
قلنا لا والله لكن الموضوع كذا وكذا ..
قال ابشروا اجلسوا شوي ..
جلسنا يمكن حوالي خمس دقايق او اكثر بشوي
بعدها سمح لنا بالدخول لكن قال لاتطولون خمس دقايق واستأذنوا لان الشيخ عنده مشاغل كثيرة ..
ثم دخلنا على الحقيل وكان عنده شيخ ثاني مااعرف مين هو ..
شرحنا له الوضع .. قال ابشروا ومايصير خاطركم إلا طيب
الصبر زين وانتم ماشاء الله عليكم تحملتوا عشرة أشهر وانا بإذن الله راح اوصي لكم يوم السبت يشوفون موضوعكم مع الخدمة المدنية وإن شاء الله يستعجلون الموضوع ..
دعا لنا بالتوفيق ودعينا له و استأذنا مانقطعه عن اشغاله وطلعنا
والسلام ختام
اقتباس:
المشاركة الأصلية كتبت بواسطة جوزيفكو
للاسف صار لي ظرف وراحت علي نومه للاسف والديوان بعيد عن البيت...الله يعطيكم العافيه والحمدلله انكم دخلتوا على الرئيس...هل سمحوا لكم بالدخول عليه بسهوله او شغل تعقيد؟؟
وين اللي مو عاجبهم فكرتنا 
|
ايه دخلنا عليه بسهولة بس انتظرنا حوالي خمس دقايق او اكثر بشوي ..
اقتباس:
المشاركة الأصلية كتبت بواسطة في قلبي يا مكه
والله ما قصرتو يا شباب يعطيكم العافيه
ريحتونا الله يريحكم دنيا واخره ويرحم والديكم
بس عندي استفسار دامكم دخلتم على الرئيس ليش ما تكلمتم عن سبب تحويل المسابقه الى مفاضله ؟
ويعطيكم العافيه يا اخوان ،،
|
مفروض كلكم كنتوا موجودين عشان تطرحون أسألتكم ويكون حضوركم اقوى ..
عموماً سوينا اللي علينا وهذا الحقيل بكبره طلع لكم ورد عليكم ..
ورداً على كل من كان يعارض التجمع .. اقولهم وصلنا صوتكم لرئيس الديوان وبنفسه طلع و صرح بمتابعة الموضوع ...