ابوك ذا مادري وش نظامه ياخي قسم بالله لو ابوي لاتبرى منه ياخي مافي قلبه رحمه ذا اخوانك كمان انانيين كل واحد يحب مصلحته انت مع احترامي لك ماتعرف تتصرف ابد انا كنت مثل وضعك تعرف الواحد اول مايخلص الثانوية وش تكون نضرت اهله له بقولون باقي صغير ومادري ايش المهم مالك بالطويلة دق علي خالي قلي تعال الرياض وانا اوظفك بالحرس الملكي طبعا كلمت الاهل قالو كمل دراسه مالك بالعسكرية المهم حاولت كانو رافضين يقولون خل العسكرية اخر مجال لك كمل دراستك حتى لو ندفع فلوس طبعا انا طفشان من الدراسة ورافضها المهم قلت لخالي رفضو قال خلاص لاتجي قلت له اوكي المهم رحت شلت فلوس من اختي الكبيرة واخذت اوراقي وعلى الموقف واركب مع كداد يعني مشوار بر من الغربية للرياض وكنا اربعة اشخاص ركاب مع الكداد ذا ماقصر الرجال وصلني للرياض حاسبته واشيل الجوال وادق على خالي وجاني واخذني وعلى بيته لاني ماعرف بيته المهم دق على هلي قال اسامة موجود عندي المهم ماصدقو حتى كلموني من جواله انا كنت مكذب عليهم وقايل اني بجلس عندي اختي يومين المهم قالو انت ماتقول انك رحت لاختك ومادري ايش ابوي يقول طيب بس تجي واسجنك وفاتك تهديد المهم يقول لخالي لو وظفته في العسكرية ماعرفك ولاتعرفني انا ابي الولد يكمل دراسة سكر الخط خالي قلي اسمع كلام ابوك ومادري ايش قلت لخالي انا اخلي ابوي يدق عليك ويقولك وظفة في الملكي قال خالي اوكيه المهم دقيت على ابوي قلت لو ماتوسط لي خالي انسى انك عندك ولد وانسى اني ارجع البيت قال كيف ومادري ايش رجع ودق على خالي وقلي خلاص كمل اوراقه عندك ودبره وخله يجي حتى يدقون
زبدة الموضوع ان الكلام ذا صار وانا عمري18سنة يعني اصغر منك
على فكرة احس انه عملو لي خطة ولعبو بعقلي اوهموني اني خلاص سجلت واني انتظر الاتصال من الملكي والظاهر ان خالي خلاني حتى سافرت وكلم الرجال قال كنسل الموضوع
شوف انا اقولك وش استفدت انا من الي سويته اني اقنعة الوالد وصار يقول لي المجال الي تبيه ادخله سوا دراسة او عسكرية او اي شي تبيه لاكن تحمل نتائج اختيارك والحمد الله مقدم على وزارة الداخلية وانتظر دورتي بعد ماكان رافض العسكرية صار هو يتوسط لي وانا ابيك انت بعد يكون عندك شخصية والدموع ماهي بحل انت رجال ولازم يكون لك راي مهما كان هاذي حياتك وانت حر فيها

قلت قصتي ابيك تستفيد بس وكان بأمكاني ارسل مشاركتي لك على الخاص لأنها من خصوصياتي لاكن حبيت الكل يشوفها ويستفيد