شايفين قاعدة الدباسة شلون تقدرون تلفونها ويصير الدبوس يلف ؟ تدرون ليش هذا موجود وش استخدامه؟ سألت ربع الدوام ومحد عرف، كثير على بالهم بس كذا حاطينه وحاله حال الدبوس العادي سواءاً كان يلف داخل أو لبره. ترددت كثير قبل لا أكتب الموضوع قلت قصير ، هذي صور اللي ما فهم السالفة الحين، هذي قاعدة الدباسة دايما نستخدمها بهالوضعية: ويوم نلف القاعدة: يصير شكلها كذا: واذا جربنا ندبس بالوضعيتين راح نشوف الشكل التالي: السؤال الجوهري في الموضوع، وش الفرق بين الوضعيتين وش الفايدة منهم؟ الوضعية المعتادة تكون للتدبيس النهائي، والوضعية الثانية السرية للتدبيس المؤقت. كيف ؟ التدبيس المؤقت يعني الدبوس بسرعة ينشال من الأوراق من غير ما تنشق، جرب تدبس مجموعة أوراق بهالطريقة بعدين شيل الدبوس بإيدك راح تشوفه يطلع بسرعة وبسهالة من غير تتلف مكان الدبوس. جرب مرة ثانية تدبس الدبوس العادي وبعدين حاول تشيله وشوف الحوووسة. كثير تصير فينا نشوف أوراق توصل والزوايا منتهية يدبسون ويشيلون يدبسون ويشيلون كثير ناس تطبع اوراق وتدبسهم ويدرون انهم بعدين راح يرسلونها فاكس أو يصورونها كوبي ولازم العالم تشيل الدبوس . هالشغلة موجودة ونشوفها دايم طول الوقت وتحل هالمشكلة، بس محد يدري عنها ولا أحد حتى فكر يسأل لأي شيء موجودة ترى والله حلو الواحد يعرف وش حوالينه وأختم هذا الموضوع بصورة لدباسة الجلد :