السلام عليكم
أنا من ضمن اللي اختبروا قبل شهرين تقريبا لوظيفة مراقب صحي - نساء
ووصلتني رسالة يوم السبت اللي فات انو عندي اختبار يوم الاربعاء(بكرة)
الساعة 7 في مركز الملك عبد العزيز الثقافي
واليوم الصباح اتصلت على الأمانة(026148945) وسألت إذا كانت الرسالة وصلت كل اللي اختبروا قبل شهرين قال لي لا الرسالة وصلت اللي نجحوا فقط في الاختبار الأول وسألته عن عدد الناجحين اللي وصلتهم الرسائل قال لي تقريبا عشرين وحدة !
عشان كذا تحمست انو اروح واختبر لان 20 من بين 500 شي يحمس بس المشكلة أنا في الرياض و لحد الآن حجزي ما تأكد وماني عارفة ايش أسوي ..
ادعوا لي ربي يسهل لي السفر إن كان فيه خير
والله يوفق الجميع .. وآسفة لكل اللي كان عندهم أمل وما وصلتهم رسائل
إن شاء الله ربي يعوضكم خيرا منها
وانا كمان يعوضني ربي خير ان ما كتبت لي هالسفرة ولا لحقت ع الاختبار .
السلام عليكم .