السلام عليكم يا اخوان وعذرا على الاطالة في الرد...
اولا بانسبة للأخ ياسر الزهراني فيه عندك مجال جميل جدا الى وهو مجال ادار المحافظ وللعلموية ياأخ ياسر انه في وظايف مطلوبة الان تناسب شهاداتك للسمسرة الدولية والداخلية في صناديق الاستثمار او الاسهم على حد سواء وتقدر تقدم عن طريق هذا الايميل cv@alrajhibank.com.sa والله يوفقك اخوي وبشرنا عنك ان شاء الله...
وبالنسبة للأخ scorpio لا هو طبعا مايقدر يمنعك من الوظيفة لانه فيه اكثر من مقابلة راح تكون فيه اختبار تقييمي وفيه مقابلة بس اذا انت ما اجتزت المقابلة ولا الاختبارات راح اكيد يرفضونك ولكن ان موظف التوظيف يرفضك كذا بس هذا شي غير وارد...
وبانلسبة للأخت عاطله وبقوة فيه امكناية ياختي بس ياليت لو تشرحين لي معنى دورة في كلية حكومية على الخاص الله لا يهينك...
وبالنسبة للأخ الفيصل اكيد تقدر تقدم لان مؤهلك مرغوب جدا في الراجحي ولكن بالنسبة للادارة الاقليمية في الجوف الصراحة مدري وينها ولكن اعتقدر انها تابعة للمدينة فهذا موقعها ورقمها الادارة الاقليمية (المدينة والشمال) 8383083---8350046 الموقع شارع الامير عبدالمجيد (عمارة احمد سعيد الاذقاني).
وبالنسبة للأخت نبض الحيارى تقدرين تقدمين عن طريق الادارة الاقليمية التابعة لمنطقتك او عن طريق ايميل الراجحي cv@alrajhibank.com.sa وياختي حتى لو قابلك احد لازم تتابعين معاهم ولو محد تاجاوب معك تقدرين تراجعين نفس الشخص الي قابلك وتفتسرين عن طريقه وش صار للطلب وهذا طبعا من حقك وحتى لو قالت لك انه مرفوض تقدرين تاخذين السبب وشاكر مرورك والله يوفقك...
وبالنسبة للأخت الغزال العارضيه بالعكس والله ياختي يشرفني ويسعدني اني اشوف هذا التفاعل مع الموضوع وانا مستعد ارد على اي استفسار يرد بخصوص هذا الموضوع وان شاء الله ما اكون قصرت مع احد معين...
وبالنسبة للأخ صطيف مشكور على معلومتك وحطيت انا في هذا الرد الرقم الخاص بالآدارة وشكرا لك...
وعن الاخ مبارك الله يوفقك ذها اولا والصراحة لو كنت في الرياض اتوقع انك توظفت من زمان لان الوظائف اللي اعرفها في الرياض مرغوب الحاسب اما في المناطق الاخرى مرغوبه ايضا ولكن بنسبة اقل ويا اخ مبارك اتمنى غدا ان شاء الله تتجه للادراة من جديد وان شاء الله تلقى خير باذن الله وبشرنا عن وش يصير معك واذا قالك الموظف انه ما فيه وظائف ياليت لو تجيب لي اسمه ومشكور على مرووك والله يوفقك...
وبالنسبة للأخ باحث عن وظيفه بالعكس ياخوي لازم تقدم عن طريق الادارة افضلك او عن طريق الايميل الموضح عاليه وكلية التقنية من الكليات المعترف بها في الراجحي والله يوفقك وان شاء الله انك تلاقي خير وياليت لو تقدم بكرا ان شاء الله وبشرنا...
واعتذر من جديد على التأخير بس تعرفون اخر يوم اجازة اليوم الجمعة وودنا نستانس شوي 
واشكر كل من شكرني في هذا الموضوع او قرأ الموضوع والله يوفقكم اجمعين والله يكتب لكم اللي فيه الخير...
اخوكم
موظف مصرف الراجحي