والله المذاكرة على حسب المادة...
اذا سهلة يعني ااذاكر وانا حاطه يمي حلاو..وشاي... ومرة كنت اذاكر وانا احط المناكير..>> ولا تسألون كم الدرجة...
واكل واشبع.. واشوف التلفزيون...
اذا صعبة لا اذاكر وانا امشي لاني اذا جلست المعلومات تطير...
ويجيني النوم...وطبعا مذاكرتي بصوت..
ما احب اذاكر في الكتاب اذا مو مخططه فيه اخاف احسه منهج جديد...
ما احب اذاكر وانا ماسكة القلم...
لاني اذا امسكة اقعد ارسم خريطة حياتي ومشاريعي القادمة ومن تخلص الامتحانات تطير المشاريع..
واحب المكان الكبير.. وافتح التلفزيون ... واقصر على صوته..
واولع كل لبمات البيت...
دائم مذاكرتي بالليل...
مخي ما يستوعب المعلومات بالنهار...
اذا المعلومة زرقنت مو ادخله مخي... اروح للستار واتخيلها سبورة واقعد اشرح.. للطاولات والكنب.. واذا مافهموا اهزئهم...
عندي طقوس قبل الامتحان اسوي...
اخذ نفس عميق عشر مرات...
احاول انسي نفسي المادة اللي فاتت ..
لازم تكون عندي ساعة بس ما البسها بس احطها يمي وكل شوي اباوع عليها= اطالع عليها..
اروح اصلي قبل ابدأ اذاكر وادعي دعاء القنوت...
الدين ينزل بكثرة ايام الامتحانات..
اكون مجهزة لايام الامتحانات اكثر من نظارة عشان اذا نسيت وحده بالكلية او المدرسة.. او ضيعتها او كسرتها.. تكون لها بدلية
اذا انام اجيب المسجل وحط فيه شريط .. خطبة لشيخ هاي اكثر شئ نبيل العوضي.. او عبد الرحمن السميط او قران- العجمي - .. عشان انام ...
ميزات ما بعد الامتحانات...
اني اكون رشيق خسرت كذا كيلو....
بالكلية من صعوبة المواد.. الكل ينحف فاذا خلصت الامتحانات نشوف كل وحده كم نقصة...