حسب تجربتي بمثل هذا الأمر


أولاً وقبل لا تخبر أحد وقبل كل شيء .... روح وأستخرج برنت من التأمينات الأجتماعية وعلى ورقة البرنت ختم التأمينات الأجتماعية وطلع برنت وبعدها طلع برنت ثاني


الأهم أنه موجود أسم الشركة

بعد ما تصور الأول عدة نسخ .... وأما البرنت الثاني حطه في البيت ولا تطلعه أبداً

وأذا كانت الشركة تم أستغلال أسمك أيضاً في مكتب العمل ... سوي نفس الطريقة مثل برنت التأمينات الأجتماعة

--------------------------------------

ثانياً : أحسب الراتب اللي موجود في التأمينات وأضربه بعدد الشهور اللي أستغلوا فيها أسمك ... ويطلع كم حقك اللي سوف تأخذه من الشركة


ثالثاً : روح للشركة وقول لهم ترى راح أرفع عليكم قضية لأنكم مستغلين أسمي ... بالعادة أغلب الشركات اللي تسغل أسماء المواطنيين أصحابها أجانب متسترين بأسم سعودي من يوم يسمع طاري شكوى عليه راح يتجاوب معك بسرعة ومتأكد أنه سوف يفاوضك لأجل يعطيك ربع قيمة مجموع الرواتب خلال الفترة اللي أستغل فيها أسمك ... قول لهم معصي ............. ريال ينطح ريال ولا أتنازل عنها أبداً .


وبعضهم يقول خلاص عطني برنت التأمينات وخلاص خلال شي يوم أو يومين خيووو و تجيني وأعطيك شيك ( أنتبه من هذه النقطة ) بعد ما يأخذ البرنت يروح لمكتب التأمينات وحسب معارفه يشيل أسمك من السستم ... ويماطل فيك وبعدين يقول لك ماعندنا لك شيء روح وأشتكي ... تروح وتتفأجاة بأن أسمك مو موجود في التأمينات وتضيع أمورك( وهذا يدل على أهمية تقديم صور البرنت فقط للشكاوى ووجود ختم الرسمي للتأمينات على برنت اللي طلعته يدين الشركة أمام الجهات الحكومية -- وكذلك أهمية البرنت الثاني في حال وجود تلاعب من الموظفين في التأمينات الأجتماعية )



رابعاً : في حال رفضت الشركة التجاوب معك ... قدم معروض على مكتب العمل وأذكر فيها أسم الشركة وأستغلالهم لك والمدة اللي أستغلوا فيها أسمك ... مع أرفاق صورة البرنت من التأمينات الأجتماعية وصورة البطاقة الشخصية .... واستمر في الشكاوى ولا تفكر أبداً أنك تطلع البرنت الثاني .... الا في حالة وصول الأمر إلى المحاكم .




الله يوفقك ويستر عليك .... وأي خدمات أضافية أأأمر يالغالي