اقتباس:
تحية طيبة لكم جميعا
انا نويت ان شاء الله اشتغل بشوق الخضار (جملة)
الفكرة الأولى:
كنت يوم الخميس بعد الفجر بسوق العزيزية بالرياض ولقيتهم يحرجون على دينات طماطم
انا عندي القدرة على شراء دينا كاملة ولكن كيف اصرفها بعد شرائها. اللي اعرفه ان اللي يشتري مني اصحاب محلات الخضار
هل لازم يكون عندي مبسط بالسوق وكم اسعار الايجارات او هل اقدر ابيعها وهي بالدينا او اشلوووووووووون؟؟
الفكرة الثانية:
كما ذكر الاخوان في مواضيع اخرى
اني استأجر دينا واجيب سواق واستفيد من تفاوت الأسعار في المدن الأخرى والهجر القريبة من الرياض
ارجو منكم اعطائي آرائكم حول الفكتين وايهما اوفر واسرع في التصريف واقل في التكلفة
وكم الوقت المتوقع لتصريف بصاعة كل فكرة
وتقبلوا تحياتي
|
هلا والله وحياك الله
الطريقة المذكورة جميلة وحلوة
والي انا اعرفه ان فيه بعض الشباب يصرفونها
في البوفيهات والمطاعم ... ما شاء الله أكثر من الأوادم
هالمطاعم والبوفيهات ... يكون فيه تصريف حلو لأي مطعم
او مقاولة المطاعم والبوفيهات على البضاعة من طماط بصل
.....الخ , والتصريف للمحافظات القريبة من الرياض رايح تكون
قريبة من السعر بس اذا صارت بعيييدة وخاصة بعيدة الطرق الرأيسية زي طريق
الحجاز او طريق القصيم .... تكون افضل واكثر سعر الله يوفقنا واياكم لما يحب ويرضى
شاكر تشريفك ومرورك للوضوع
اقتباس:
والله ياخوي انا ماعندي فكره بسوق الخضار والاسعار
بس اعجبتني فكرتك انك تستغل الوضع في تفاوت الاسعار
وبامكانك تشتري دينا وتحط عليها لوحه تكتب فيها السعر
وللطلب تكتب رقم تلفونك طبعا يبيلك وقت عشان تدور وتتمشى
او توقف عند الاشارات راح ينتشر الخبر وبعد كذا تحدد لك موقع
يكون معروف وكل من دق عليك تقوله انا في المكان الفلاني
هذا مجرد اقتراح
|
هلا والله وحياك الله , فكرة جميلة وسنعة والله