اقتباس:
المشاركة الأصلية كتبت بواسطة أوتار عود
مصدر رسمي من وزارة الخدمة المدنية بتاريخ 9 / 5 / 1432 هـ
أمس الأربعاء
في تمام الساعة 1:00 م بعد الظهر
كنت متواجد ليهم في قسم المفاضلات , وأوضح لي مدير قسم المفاضلات انه تم الانتهاء من المفاضلة وبصدد ارسال الاوراق مطلع الاسبوع القادم بإذن الله الى ديوان المظالم لأعلان النتائج
وضعته لكم لكي أبث في أنفسكم روح الأمل والأنتظار البسيط بعدما كان طويلاً زاد عن ثلاثة أشهر
وانا أنقل لكم تصريح مدير قسم المفاضلات , ولا اعلم متى ستكون النتائج بالضبط
لكم الشكر , واعذروني على القصور
|
يا اخوي والله تعبنا وحنا نمشي في هالأنفاق صارت علينا رادية
كل ما شفتا ليت في نهاية النفق طلعت تحويلة والله يعين اللي بيسرع يفكرها مخرج ويروح ملح
نفسيتنا خاست وعقولنا جيمت وعن أحلامي ترى علقتهم مع ملابسي لمن غسلتهم بالليل أمس
يمكن يجي احد يستفيد منهم وكل ما خطبت لي قالوا عاطل ويقهروني ويأزمون أموري أكثر
وش السواة يعني لو يطلع كلامك مو صحيح؟ الكلام كله مأخوذ خيره يمكن اللي وصل لك الخبر
يبي يفتك منك شافك نشبت في حلجه وخليته يخسر في سوليتر قال يدهنك بكم صاروخ يزحلقك
وربي مو عيشة هذه اللي يسوون فينا هم الله يصلحهم ما بيدفعون رواتبنا من جيوبهم الدولة
في اللي بتصرف علينا ليه يماطلون فينا كذا وليه مسويين فينا مقصة على شنباتهم ولاعبين بنا
طفشنا من الكلام اللي يروح ويجي فتحنا له مقلط ومعسل وتعميرة وحتى قدو وفرناه عشانهم
وبالوت وضامنة وووووو وكل شي بعد
بس خل يختشون الله اشوي فينا خل يحسون فينا اشوي قبل ما تشين حتى النية على الوظيفة
لا حول ولا قوة الا بالله العلي العظيم
سبحانك لا اله الا انت اني كنت من الظالمين
حتى أنا بعد يومين اقول مصدر رسمي