المشاركة الأصلية كتبت بواسطة عاطل عشر سنوات

بتكلم بصراحه
انا اكثر شخص خالطت الناس والاصدقاء بحكم العمر والتجربة القاسية
كثير لي من الاصدقاء الطفولة ومن ابناء العمومة وابناء الخوال
للاسف 95 % منهم خانو الصداقة او صلة الدم الي بيني وبينه
اول قبل مايتوظف مطيح اربع وعشرين ساعه عندي قهو شاي عشا
وانا على نيتي من يتوظف يسحب علي بدون اي سبب بالعكس ماجا مني الا كل خير
كنت يمكن اعرف اكثر من 40 شخص ولا صفولي من الاربعين الا 3 هم الوفيين معي
ومن الثلاثه واحد دكتور << مع ذالك هو هو من يوم كنا اطفال ولا الرجال مو مقصر يفزع لي كثير كثير
والثاني متوظف ولا متزوج وله اولاد وللحين معاي كما هو ايام الطفوله والثالثه كذالك
كلهم متوظفين ومتزوجين ولهم اعيال وحريم مع ذالك اذا جيتهم كان جايهم عزوز بن فهد
يمكن التجربة والظروف الي مريتها خيره لي لن عرفت معادن الرجال والي وقف معي والي خان
احسن مامر بهالظروف وانا كبير بعد مايروح العمر وش الفايده
بس انا حقدي حقد جمل انتظر الفرصه المناسبة بس اتوظف راح اكمل دراستي حتى ماني متزوج ابد
حتى احصل على شهادة عاليه جداً توهلني لمنصب مهم جداً لن ابي ارد المعروف لهل المعروف وابي اجازي
الردي بالردى على عموم خذيت درس مهم الا وهو العنصرية القبلية او الشكل او اللون او اي شي
والله ماتنفعك اذا طاح الفاس بالراس الرجال مخابر ماهي مظاهر