السلام عليكم ورحمة الله وبركاته،،،


كيفكم انشاء الله بخير


اولاً الف مبروك للي طلع اسمه

ثانياً اليوم كنت عند مسئول كبير في الجامعة ابي استفسر بخصوص الي طلعت اسمائهم

قال اكيد جاي تبي تتأكد في واسطه والا لا
قلت ايه لاني انا من سكان الرياض وماابي اجلس الين الاسبوع الجاي على الفاضي وانا عندي دوام ويمكن يفصلوني اذا سحبت عليهم
عاد تعرف القطاع الخاص
اذا فيه شي مضمون جلست والا خلني امشي
المهم طمني وقال لا تروح اجلس الين بعد الاختبار
يقول كل الي بيختبرون راح يرشحون عشره على كل وظيفة (يعني افضل عشرة جاوبوا على الأسئلة التحريرية)
وراح نسوي معاهم مقابله وراح يترشح اربعة من العشره
وبعدين افضل واحد في الاربعة راح يحول على الخدمة المدنية لأكمال اجراءات التوظيف ولكن بشروووووط
يجب ان تنطبق عليه شروط الوظيفة يعني
اذا كان طالبين خبره ضروري يكون عندك خبره
غير ذلك يستبعد ويتم استدعاء الثاني من الأربعة الي قابلوا معهم


بس صدقوني اكد لي لا واسطه ولا خرابيط
حتى قال لا تروح الرياض اختبر يمكن تكون من نصيبك الوظيفة اذا حليت في الاختبار وعديت المقابله

الله يوفق الجميع لما يحبه ويرضاه




تحياتي لكم ،