الصراحه حال شبابنا وبناتنا يرثى لهم لا رواتب تغطي مصاريف ولا وظايف متوفره
فكرة اخوي من ناحية المشروع الجماعي جميل جدا
لازم نشوف ارض الواقع وش مطلوب بالسوق حتى يحدد المشروع.

انا بقترح مشروع بسيط عليكم وراس ماله مو كثير
مثلا انا كان بخاطري لو عندي راس مال كان مشروعي:
عباره اني اشتري باصين او فانين مستعمله ونظيفه اسعارهم ما تتعدى 40 الف الاثنين.... بالصباح يشتغل نقل مدارس وكليه وبعد العصر حق مشاوير خاصه وكنت بوظف اخو خويتي عاطل وثقه ويجيب شخص ثقه من عنده هالمشروع هو اللي حيل مطلوب عند الحريم طبعا اي شي له علاقه بالحريم مربح ..وكل ما جمعت قيمة باص جديد شريته وضفته للمجموعه لين يصير عندي محل خاص ومعروف بهالمجال...بالعطل والويك اند سعره سعر اللموزين اثناء الدراسه ايام الاسبوع العاديه اي مشاور رايح 15 راجع 15 وين ما كان بعده
ماتشجعت على هالمشروع لان ماكنت اضمن ان عبد اللطيف جميل تمول مثل هالمشاريع
انتم وش رايكم به ....الصراحه البنغاليه يكسب ذهب من ورا هالشغله اسالوني ياكثر مانحتاج لمثل هالسيارات الكبيره بطلعاتنا الاسريه والمناسبات لان بدل ما ندفع لموزين بدفع لهالفان بقيمة لموزين واحد..وبالتوفيق