المشكلة ان كثير يحسبون حافز (اعانة العاطلين ) راتب ثابت على طول وللجميع لدرجة فيه ناس ناااايمه ولاعمرها بحثت وفكرت انها تتوظف يوم سمعوا بحافز تذكروا شهاداتهم وقالوا نبغى اعانة وماحصلنا وظايف


اذا زوجتك مافبالها انها تتوظف وتشتغل خليها تنسى حافز

اولا بيكون فيه تعقيدات
ثانيا مابيعطونها الاعانة الا بعد مايتاكدون ان مالها وظيفة مناسبه لمؤهلاتها
في الاول بيعرضون عليها وظايف لو ماوافقت لاي سبب مابيكون لها نصيب في الاعانة
واللي ماحصلوا وظايف لهم تناسب مؤهلاتهم بيعطونهم المعونة لفترة مؤقتة وخلال هذه الفتره بيعرضون عليهم وظايف ولو حصلوا لهم وماوافقوا بيوقفون عنهم الاعانة وهكذا
على حسب علمي


لو شغلك بيدخل اكثر من الفين ( الاعانة ) ومضمون وواثق منه كلم زوجتك وخليها تكون شريكه معاك موتستفيد من وراها من غير ماتفيدها عشان تحس ان حقها محفوظ وتتشجع تساعدك
وبنفس الوقت اشوفه غباء تضيع عمل ومكسب كبير عشان الفين وممكن تجي وممكن لا
ومتى بعد سته شهور مين ضامن عمره بعد نص سنه يكون عايش ولا لأ ,, عنده فلس وقتها ولا على عايش بلاطة
يمكن لو بدأت الحين بعد السته الشهور هذه يكون مشروعك كبر و نجح وحققت ارباح الالفين هذه ماتجي شي عندها

ادرسوا وضعكم صح وشوفوا الحل الانسب لكم ,, والله يوفقكم