السلام عليكم ورحمه الله وبركاته ..

اخواني لحد يعشم نفسه ولا احد يتحمس مع شي بعدين ياتطلع اشاعه ولا يطلع صدق التقديم ولا ينقبل ( مثل شغلتي بأمن المنشئات) وتجيه حالت احباط على اقل تقدير .. او جلطه نفسيه ،

المهم والله العظيم اني يوم الإثنين يمكن آخر الليل ( يوم جاء المطر على الرياض ) او الأحد ناسي والله الوكاد اني متكي بمطعم بيت الشوايه مادريت الا زوينان داخل المطعم ، هلا بالذيب واسأله هذا رئيس رقباء يقرب لي وصغير بالسن يعني مو كبير .. قلت ياولد فيه كلام في النت والمواقع ان تقديم الاستخبارات 15 / 5
وناس يقولون آخر خمسه ؟ يعني الأكيد انه بشهر خمسه ...

قال اسمعني لو فيه تقديم قريب جدآ كان سمعنا اصداءه عندنا في المديريه العامه للإستخبارات ،
فـ يا اخواني ماودي نتحطم كلنا جميعآ كلنا عاطلين ورايحين فيها لكن تريثوا واتمنى انكم تقفلون المواضيع هذي إلى ان يعلنون عنها الإداره ( كل قطاع )
لأنه بنتحمس ومدري ايش ، شوفوا الموضوع هذا من كم ؟ وكلهم يقولون نفس الشهر ..؟ ولا جاء تقديم ، اتوقع ان الموضوع من 2010 ولا صار تقديم ،
وشوفوا امن المنشئات جاء الخبر فجأه مادرينا الا هم معلنين عنه ، عشان كذا ركدوا يالربع ترا ياما تحمسنا وياما تحطمنا ..

بالتوفيق لكم جميعآ ...