|
جبت لكم ورقة اكمال الدراسه بكليه بريده الاهليه لجميع التخصصات
السلام عليكم ورحمة الله وبركاته
اخوكم خريج من حوش الضياع الكليه التقنيه ادارة مكتبيه 3.91 معدلي
من كثر ما اقدم واسوي مقابلات لكن مافيه نتيجه
قلت ورا ماكمل البكالريوس بالقصيم طبعا تعرفون شروط المؤسسه وقروشتهم
وكذلك جامعه الباحه وغيره من الجامعات وغير كذا بعيده وقلق المهم مالكم بالطويله
المهم مريت كليه بريده الاهليه وقلت له اني بكمل الدراسه وش اقرب تخصص لي
قال اقرب تخصص لك موارد بشريه ومدة الدراسه 3 سنوات
وهي زينه شينه 
زينه اني اكمل الدراسه
وشينه اني لاخلصت هلى احصل توظيف بكالريوس موارد بشريه
المهم قال نقبلك وتكمل الدراسه والتخصص موارد بشريه مثل ماقلت لكم
قلت طيب بكم الرسوم قال انت معدلك كويس وتقدر تكمل
على حساب الملك (بعثه داخليه)<<يالبيه يا ابو متعب حتى عيالك اللي ماقدرو يطلعون بالخارج يكملون التعليم يكملون داخل >> خشمك ><
يقول سجل بموقع التعليم العالي (اذا فتح التسجيل بشهر 8 او9) وبعد ماتسجل تعال سجل عندنا ودفع رسوم 500 ريال
وطبعا اخواني الصحيين مانسيتهم
قلت طيب زميلي متخرج من معهد صحي تخصص سجلات طبيه
قال اذا معدله حلو يقدر يكمل التخصص
واخذت منه الورقه وفيه كل التخصصات ومدة الدراسه والرسوم
طبعا بعضهم نسبته زفت ولا يقدر يدخل على حساب الملك بس يقدر يكمل ع حسابه
بالنسبه اللي خارج القصيم للأسف مافيه لاسكن ولاهم يحزنون مالك الا تسكن ببريده
وكليه بريده الاهليه عند جامعه القصيم على نفس الشارع
طبعا حتى الثانويه يقدرون يدرسون فيها
كل اللي ارجوو منكم دعواتكم بالوضيفه
وفقنا الله واياكم
وهاذي الصوره صورتها من الجوال ماكان عندي سكنر
حياااااااااااااااااااااكم
التعديل الأخير تم بواسطة مشتاق لك ; 22-04-2011 الساعة 05:18 PM
|