انا مع اخوي ياسر بكل اللي قال

وانصحك بزراعة البطاطا اقول لك ليه

لان البطاط مايخرب لو جلس شهور مانباع وراح يكون مكسب

اقول لك من وين جبت الافكار من مزارع جارنا ذكي بكل شي حتى ببيعه

مو مثل زراعة الكوسا او غيرها اذا ماحدشراها تخرب
وزراعة الكزبره والرشاد لان تجمع بذورها وتبيع على العطارين
بالبدايه حاول وراح تنجح ويكون لك اسم معروف باذن الله وزبائن معروفين

ومثل ماقلت حتى البرسيم يطلع ذهب

واهم شي التربه

ونسيت اقول العنب حاول تجيب من معارفك المزارعين اعواد وتزرعها وتكون متاكد من نوعية العنب وتأخر بيعه يعني تشوف السوق اذا مليان عنب لاتبيع


وحاول تسقي العنب يومي حتى مايخرب ورح شوف السوق اذا مابه عنب على طول اقطف وبيع خاصه العنب الاحمر

وحاول تجيب العنب اللي يطلع طول السنه وفي يطلع بالشتاء

والله يوفقك ويفتح بوجهك كل باب مغلق