المشاركة الأصلية كتبت بواسطة أبن روق

سلام عليكم ياوحوش

دقيقه دقيقه تذكرون اللي يقول الأرقام 200 بس وينه وينه قربوه مني أبي أبشت فمها

50،000 خمسين الف ريال لمن يتنحى عن منصبه في مكافحة المخدرات ( يتنازل عن رقمه )

ويستلم الخمسين الف كاش يدن بيد هاااه وش قلتوا ..!!



< موسوس وحاط أمله في مكافحة الحشرات بس الله ماكتب

امزح لا أحد يصدق واللي بيصدق يراسلني على الخاص أبيع السياره وأعطيه الخمسين الف ههههه

الله لايحطكم مكاني قووه دخان وأفلام ســـكـــس وجلخي أخر الليل الله يزين الحال

أدري خربتها ماعاد تفرق معي لو يشوتون اليوزر

خلاص انا قررت أبيع حبوب ويمكن أتعاطى هروين بس لاتطرحوني يالذيابه تراني خويكم بالمنتدى

الجد ياشباب

تكفون يالذيابه لاتتركون الدوره لو وش

فرحوا أبوكم وأمكم فيكم والعسكرية تبي رجال وأنتم قدها وقدود وترى كلها 9 شهور

غيركم الورعان حقين كلية الضباط ثلاث سنوات قسم بالله مو أطيب منكم أبك أمس نفر عليهم والواحد لونه أحمر

ويتلطم حتى الشمس ماتصفق بشرته وانتم ضبااااااااان أصبروا عليها ههههههههه

وأعرفوا الشين ورااااه الزين قافيكم زواج وعلومن زاااانه خلاص عقدة الوظيفه أنحلت والحين ماعليك من فلان ولا علان

قبل يسئلونك هاااه ماتوظفت وكني أشوفكم كل واحد يصرف ويتمنى أن الأرض وبلعته لأنه مثل اللي بالبيت لاورعن صايح ولا قدرن فايح

لاتشروه علي ثلاث أيام مانمت واضاهر بتقص فيوزاتي بس ماعلي شهار فاتح للي مثلي

يارقيب الدورة أنت وياه أسسسسسسسسسسسسسسسسسمع

خوياك لاتقوم تومر عليهم خلك ذيب ولاتجازيهم وخل الدعوه فللللللللله

نصيحه لدبوس الدوره

انت تدبس على خوياك ومبسوط لأن الرقيب مايجازيك بس تذكر أنك أخر الدوره تطلع قدام الله وخلقه ويعلم عليك

ويحط البصطار عند وجهك وش بيصير موقفك بعد ماأنكشفت ويمكن يتعين معك خويا كانوا معك بالدوره أستح على وجهك وقل لا ماأبي دبوس

اللي بيدخنون أنتبهوا لايشفونكم ترى على طول فصل نهائي أغتنموا الفرصه صلوا مع الجماعه وأتركوا التدخين

ترى هذي فرصتكم ولا تقولون خرمه والله لو أنك بندر بن سرور على غفله والا سعد بن جدلان الأكلبي

بعد التخرج أخلص في عملك وأدع ان الله يبارك لك بالراتب ولاتقصد شاص والا ددسن ولا كابرس وكامري والطقه هذي

أنحششششششششششششش عن الدين تراه عمات عين راح تقصد طول عمرك أشتر لك موتر بسعر معقول وفكر بالزواج يامال اللي ماني بقايل

قبل الباند

العذر والسموحه من اي واحد أخطيت عليه بقصد والا بدون قصد

موفقين خير وعقبال ماأشوفكم متخرجين من الدورة ومتعيني

فمان الله