بسم الله الرحمن الرحيم
أولا أشكر جميع من أثنى على الموضوع ووجه لي كلمة شكر أو مدح واللي شخصيا ما أشوف اني استحق كل هذا لانه المفترض انه هذا واجب علينا جميعا وبالنهايه كل شي راح يصب لخدمة هذا الوطن .. ولكن جل ما أطلبه منكم هو الدعاء لوالدي بالرحمه والمغفره له ولجميع أموات المسلمين

نجي للإستفسارات :
أولا نتكلم عن حكاية الطول والوزن واللي كانت السبب في عدم قبول العديد من شبابنا ، ولسان معظمنا يقول ليش لازم أكون طويل عشان أخدم بلدي بالعسكريه وليش لازم اكون طويل عشان أحرس حدود مملكتي ( ليش يبوني أشتغل رادار مثلا ؟ ) طبعا احنا ما سألنا أنفسنا ليش هذا الشرط موجود أساسا عند القبول ؟
طبعا انا حبيت أوضح نقطه مهمه بهذا الخصوص ، شرط الطول هذا معمول فيه عالميا يعني بكل دول العالم لازم حد معين للطول واعتقد طول 168 مناسب والسبب انه المفترض يكون رجل الأمن كشكل قادر على أداء العمل اللي يقوم فيه وانتم عارفين يعني ايش رجل أمن ؟ يعني ممكن يواجه جميع الظروف ومنها إنه ممكن يتسلق حاجز معين فهل من المعقول انه لما يكون رجل الامن هذا قصير هل يقدر يقوم بهذا الواجب ؟
هذا من ناحيه ومن ناحيه ثانيه تشترط الكليات والمعاهد والمراكز التدريبية حد أدنى للطول من أجل تناسب الصفوف داخل الفصيل أو المجموعه اللي قاعده تتدرب بحيث يكون الأغلبيه لها نفس الطول عشان لما يكون فيه عرض عسكري يكون شكل العرض مناسب بحيث تتوحد الحركات العسكريه لانه مو من المعقول انه يجي واحد طويل وواحد ووسط وواحد قصير وواحد راسه طالع وواحد ماينشاف ووووو الخ
( وطبعا هذي وجهة نظر شخصيه ممكن أكون غلطان فيها )

ثانيا : بخصوص الشباب اللي عندهم دبلوم إداره أو دبلوم صحي ويسألون اذا كانو ياخذون رتبه غير رتبة جندي
طبعا اقولهم انه معهد حرس الحدود بالرياض ومعهد حرس الحدود البحري بجده هم بس اللي يعطون رتب ضباط صف للي عندهم بكالوريوس أو دبلوم سنتين يعني لما يجي التقديم انت شوف اذا كان هذي المعهدين منزله وظائف تتناسب مع شهادتك أو لا وإذا مافيه معناها ماعندك الا رتبة جندي ويكون التدريب عليها بمراكز التدريب اللي موجوده بالشرقيه والوجه والقريات وجيزان ونجران وعرعر وطبعا لما تجي تسجل يخلونك توقع على عدم المطالبه برتبه معينه أثناء التخرج بحكم انه عندك دبلوم .

ثالثا : اللي يسألون عن الفرز هل هو يكون عن طريق النسبه أو الطول ، فأقولهم للأسف الشديد الفرز مايكون على حسب النسب أو الطول وإنما يكون الفرز آلي يعني بعد ماتنتهي جميع الإجراءات ويكون المقبولين مثلا 1000 وحرس الحدود طالب مثلا 400 فقط فيقوم الفرز الآلي باختيار 400 وباقي الألف يحولون لإحتياط في حال عدم حضور مجموعة من المقبولين النهائيين
يعني ممكن يكون طولك 170 ونسبتك 99 وتتفاجأ انك مو مقبول وممكن خويك اللي طوله 168 ونسبته 55 وتلاقيه مقبول .

رابعا : الأخت الكريمه اللي تسأل عن سلم رواتب أفراد حرس الحدود أحب أوضح لها انه سلم رواتب الأفراد التابعين لقوى الأمن الداخلي السعودي يعني وزارة الداخليه كلها وحده الإختلاف فقط بمميزات القطاع اللي ينتسب له الجندي أو الفرد يعني جندي بحرس الحدود راتبه الأساسي زي جندي في الشرطه ولكن اللي يفرق هو مميزات القطاع نفسه .

خامسا : الشاب اللي يقول رحت اسجل وقال لي الموقع انه مسجل مسبقا
السبب انه أي احد سجل سابقا بحرس الحدود وتم استبعاده لأي سبب كان سواء غير لائق أو لم يكمل الإجراءات لما يجي يسجل مره ثانيه يستبعده الموقع بسبب حفظ الموقع لرقم السجل المدني الخاص بك بحيث مايضيف اسمك وانت مستبعد من التسجيل السابق لانه من وجهة نظره طالما استبعدت المره اللي راحت اكيد راح تستبعد المره هذي فما يسجلك عشان ماتزيد الأعداد على الفاضي

خامسا : أخوي اللي يقول اني سجلت ووعدني ولد عمي ، أحب اقولك انه النظام المتبع حاليا في التسجيل بحرس الحدود أو القطاعات الأمنيه الاخرى أصبح من الصعب جدا دخول الواسطه وإنه لم تنتهي تماما ولكن فعلا صار صعب أنه احد يتوسط لأحد في حكاية القبول لانه كل شي يتم عن طريق الموقع الإلكتروني وعن طريق إدارة التدريب بالرياض يعني قيادات المناطق أو مراكز التدريب الثانيه مالها صلاحية بقبول أي شخص حتى العاملين بلجان القبول والتسجيل أنفسهم يعني لاتلوم ولد عمك تراه مابيده شي

في الختام أنا مازلت متواصل معكم عن أي استفسارات أخرى واذا تأخرت بالرد فاعذروني والسلام عليكم