المشاركة الأصلية كتبت بواسطة أسير العطالة

ترى النتائج الاسبوع الجاي بمشيئة الله واللي يقول انها حدود هاليومين للأسف غلطان العسكر الاعيبهم كثيره على المواطنين ياخي وش يهمك انت واياه تقولهم نتائجكم اليوم الفلاني مافيها شي والتوفيق مو بيدك انت وهو التوفيق بيد الله سبحانه وتعالى اذا كان فيه رزق يجيك وترى لمعلوميتكم الدوره في منتصف شهر 6 او على اخره كذا ما خبرت دوره بالامن العام كانت بداية شهر 6 اهم شي خلو نفسياتكم حلوه سواء انقبل الواحد والا لا هذي هي الدنيا تعب ومشقه حنا متعودين على هالحال لكن والله اللي مايعطي الدنيا اهتمام هذا اللي راح يعيش واحسن عيشه بعد .
ومستعجلين ياشباب على ايش اللي يقول ابي سياره واللي يفول اكون مستقبلي واللي يقول عندي ظروف ترى لاتشتكي همك لأي واحد خله بينك وبين الله يمكن يرزقك بأحسن من العسكريه والكلام الفاضي جات جت وان ما جت الله بيجيب الخير ترى الوقت هذا ماحد يموت من الجوع الحمد لله كلنا في ستر وعافيه تحت راية ابو متعب الله يعطيه الف عافيه .
واكرر لاتصيبكم النفسيات ترى انا واحد مثلكم مخلص اوراقي وكل حاجه وانتظر الفرز لكن مخليها على رب العالمين .
دامك انت وهو ماعندكم صبر يومين ترى أكيد ماعندكم صبر 9 شهور لأن الدوره اصعب من الانتظار هذا. الدوره يبيلها صبر اكثر من هذا بكثير اسمحولي ياللي طقت عندكم النفسيه ان اقولكم مستحيل تتحملون دورة مدتها 9 شهور .
الله يوفقنا واياكم انشاء الله ويرزقنا ويفتح لنا ابواب رزقه اللهم امين