اقتباس:
المشاركة الأصلية كتبت بواسطة أم الوظائف
هههههههههههههههههههههههههههههههههههههههههه
والله حلوة... واقع ملموس...
3esa مع احتراماتي لك ....
لكن انت خارج نطاق السعودية عايش.... وانا اشك انك سعودي... البطالة والرواتب المتدنية تشمل الشباب البنات...
واذا تقول الشباب كذب وراواتبهم اعلى...
طيب البنات جامعيات وراتبهن على الف وعلى الف وخمس ميه... وساعات يكون 800 ريال.. ها لايكون هذا كذب وانا ما ادري او انه خيال..
في شباب خريجين لغات ما لقى احد يوظفهم.. راحوا يعملون في مستشفيات وهم معلهم لغات...
في شباب تخرجوا من التقنية.. تخصصهم مايحصلون عليه الا بالواسطة...
في شباب معهم الجامعة وما لقوا وظائف راحوا يقدمون بشهادة الثانوية العامة...
وغيره وغيره وغيره...
اللي عنده واسطة ومولود وبفمة ملعقة من ذهب ...غير الانسان البسيط اللي ماعنده واسطة.. |
النظره السلبيه وكثرة التذمر هذي الصفه الدائمه في ردودك.
مشكلة البنات معقده جدا. كلنا نعرف قلة الفرص العمليه والتعليميه عند البنات مع ان عدد خريجين الثانويه من البنات نفس عدد خريجين الثانويه من الاولاد وساعات يكونون البنات اكثر.
الأسباب كثيره
طبعا اول شي البنت ماراح تشتغل في بيئة مختلطه
ثاني شي البنت دايما تدور وظائف في المنطقه القريبه منها يعني صعب وحده تدور وظايف في الرياض وهي ساكنه في جده.
ثالث شي قلة المجالات المتاحه للبنات. مثلا المجال الصناعي مو مفتوح للبنات. يعني ماعندنا مصانع يشتغل فيها عنصر نسائي ايضا المجال المهني مثل الميكانيكا والكهرباء والأمثله كثيره.
هذي كلها اسباب حالت بين النساء وبين الوظايف في السعوديه وهذا اللي خلا الكثير منهم يقبل براتب اقل من المستحق.
اما عن الشباب:
طبعا الفرصه اكبر بكثير للشباب فرص التعليم والعمل. والأسباب اللي حالت بعض الجامعيين هو انحصار اكثرهم على مجال معين وقلة طلب الشركات لتخصصه. اكبر مثال هو مجال التدريس كثير من خريجين كلية المعلمين مايحصلون وظائف واذا حصلوا غالبا مايحصلون في نفس مجالهم لأن يوجد تشبع من هذا المجال عشان المميزات اللي يحصل عليها المدرس والاجازات.لذلك انا انصح الشباب اللي يدرسون في الجامعات انهم يعطون انفسهم فرصه بالسؤال عن افضل التخصصات وهل يوجد طلب عليها وهل في تشبع من هذا التخصص. ولا يكون مع الخيل ياشقرا شاف خويه او اخوه دخل التخصص الفلاني يقوم يدخل وراه. ايضا يسأل الخريجين من نفس المجال.
واذا كان عندك امثلة كثيره من اللي رواتبهم قليله انا عندي امثله اكثر من اللي رواتبهم عاليه بس الشي اللي يميزهم انهم يحملون المؤهل الجامعي. ولا تحطين كل شي على الواسطه اوكيه الواسطه ممكن تحول بين شخص ووظيفه لكن الواسطه ماتتدخل في كل وظيف وفي كل شركه ولا كان محد توظف الا بواسطه.
تحياتي