موضوع خطير ، الله يعطيك العافيه يا باحث ويجزاك كل خير ،

عندي كذا استفسار صراحه ما لقيت لهم تفسير .. وسئلت شخص في قناة الإخباريه مره ، وقالي راجع مكتب الظمان وقدم اوراقك بخصوص المساعدة ، ورحت لهم كالعاده ، وطلعو لي نظام جديد ..
استفساري يا طويل العمر والسلامه /

انا يتيم وعندي من الأخوان 6 .. وتوفى الوالد الله يرحمه وقبل لا يتوفى كان يمشي لنا ظمان وقطعوه
فـ راجعتهم قالو راتب الوالد التقاعدي اكثر من 4000 ما يصرف له اي اعانه او اي شيء سواء كان لأيتام او لأرمله او غيره !

يعني بمعنى كلامهم ، ان حتى لو كنتو ايتام وامكم ارملـة ، ما تشملكم اي خدمة ما خدمات الضمان ، لا ضمان شهري ولا مساعدة سنويه ولا مساعدة لأيتام ولا ظمان لأرملة اللي هي الوالده الله يحفظها ، ولا اي شي !

ما ادري هالكلام هذا صحيح ولالا ! كوننا ايتام ووالدتنا ارمله ووالدنا متوفي ،
واذا في شي يشمل مثل حالتنا وش هو ,,

إظافة على كلامي يا طويل العمر ، انا اعرف كثير اشخاص ، رواتبهم التقاعدية اكثر من 4000 وقدمو على مساعدات من الرياض ! ونزلت لهم
ما ادري هالشغلـه شغلـة واسطات او نظام او ما ادري

يا ليت تفيـدني لأني والله تعبت كل ما هذا يقولون لي الأسبوع الجاي تعال واجيهم بعدين يقولون لا ما يصير وبعدين يقولون راجعنا بعد اسبوع وعلى هالموال لي سنه ..

بإنتظار اجابتك وبالتوفيق لك وللجميع يارب