الشلام عليكم اول سياره سقتها

نقول قصه الددسن
هذا يا طويل العمر كان عندنا عشا المهم راحو الرياجيل من عندنا وسيارتنا واقفه عند بيت الجيران قلت اروح اطلعها راح اخوي جاب لي المفتاح
يوم جاب المفتاح قال امش نبي ناخذ فره قلت لا قال امش يا خواف قلت يالله تحمست
وشغل السياره يا طويل العمر وخذ لفه وامر من عند منعطف الى اليمين وادعس بنزين
وتزحف الددسن والتفت على اخوي قلت وش رايك قال كفووووووووو
<< جت سليمه اول مره
المهم واطلع مع شارع سيده وقدامي تقاطع حرف تي
المهم ابي اديور ارجع مع دربي ابي اخذ فوق تحت وادعس بنزين لا ما صوره اللمبه قدامي ابي ادعس فرامل دعست بنزين
وطنب يا طويل العمر باللمبه
واخوي ينقز لا هو بقزاز السياره
<<< لا وطربان مشغل رابح كل منهم كبروها براسه ههههههههههههههه
المهم ما جانا شي بس ابو سبع ارواح ههههههههه
وانزل اشوف خشه السياره لا هي موليه
واركب واتلها للبيت ووقفه بمحلها وازبن سطح الجيران مكان الجريات هههههههههههه
واليوم الثاني مدبالعقال لين قلت للعنز ياخاله

ثاني سياره علمني عليها ابوي بالديره
جمس 83
اروح كل عصر انا وابوي نا خذ فره بالديره
المهم جا مره قال رح جب اهلك من عند خوالك تدل قلت افا عليك
واطلع يا طويل العمر واركب واشغل المسجل لا هو محاوره واحذفه واحط مزعل فرحان
واروح وضيعت الطريق المهم جيت مع شارع ابديور ابعكس السير
لا فيه سيارات نا طحتني واهزع يمين لا قدامي سلك كهربا اللي يجي موصل بالعمدان
ونتفه لا السلك يلعب قدامي ويطفي الكهرب على الشارع وازبن < يعني انحش
وعقبها دليت الطريق وجاني من الرجف والتكفيخ ما الله به عليم

اما الان احسن سواق بالمملكه انا
سيووووووووووووووووووو