المشاركة الأصلية كتبت بواسطة جوزيه مورينو

[align=center]
[align=center]
[align=center]
جوزيه وثلاث أيام من الرعب

القصه بدأت يوم السبت الماضي .. سبق وقلت لكم ان كتفي الأيمن أعلى بقليييييييييييل من الكتف الأيسر يمكن الفرق نصف سنتيمتر

رحت للمستشفى قلت اسوي اشعه واتاكد وأشوف وش الوضع


سويت اشعه وبعد المغرب دخلت على الدكتور عشان أشوف اخبار الأشعه



قال لي دقيقه أشوف الاستشاري لان فيه شي مهو مريحني <<< جوزيه هنا طاح قلبه بين رجلينه


رحنا للاستشاري في العياده المجاوره .. شاف الأشعه قال لي لازم رنين مغناطيسي <<< للمره الثانيه قلبي بين رجليني

وبعدها نزل الاشعه من اللمبه حقت الأشعه هذيك وقال لي نزل ملابسك نزلت الثوب والفنيله وبدأ يضغط على المكان بيده قال لازم رنين مغناطيسي

المهم سويت الرنين ويوم جيت اخذ الاشعه والتقرير قال لي الموظف " هندي " رئيس قسم الأشعه يبيك <<<< حسيت بطني فيه شي انرج حسيت بطني فيه مويه حاره قلت بس ورم ولا شي الله يكفينا ويكفي المسلمين شرها

جيت لرئيس قسم الأشعه قال لي لازم تسوي اشعه مقطعيه قلت بنفسي بس اللي أنا خايف منه صار

قلت دكتور ترى وربي لي يومين خاااااايف ومرعووووووووب طمني ..

قال يا ابني انت بخير ..

قلت بالعربي ومن الاخر عندي ورم ؟؟

قال ورم ايه يا ابني انت ما فيك لا ورم ولا حاجه

قلت لا حميد ولا خبيث ؟؟


قال لا حميد ولا خبيث بس حاب اتطمن على العظام نشوف سليمه ولا لا


مشيت سويت المقطعيه وبعدها رجعت لدكتور العظام قال لي حتى الرنين ماهو مريحني .. انا وقتها شكيت بكلام رئيس قسم الأشعه قلت هذا يكذب علي عشان يهديني ويخليني اسوي المقطعيه

وقال لي دكتور العظام خذ رقم تلفوني واتصل علي بكره الصباح بجتمع انا ورئيس قسم العظام ورئيس قسم الأشعه ونشوف وش الوضع

قلت طيب .. وطلعت من عنده لرئيس قسم الأشعه عشان اشوف اخبار المقطعيه


جيته قلت له هاه يا دكتور وش اخبار المقطعيه قال دقيقه خلها تكتمل الصور

قلت طيب


المهم شوي الا قال لي اسمع يا ابني


انت كل اللي عندك تعرف عظم الكتف قلت ايه قال فيه جزء بارز منه عظم ارتفاعه 2 سم متعامد على لوح الكتف قلت ايه اعرفه قال مشكلتك انه نموه من يوم انولدت وهو بهالشكل ويأشر لي على الكمبيوتر يعني بدل ما يجي مستقيم .. صاير منحرف شوي لفوق ويضغط على العضلات اللي فوقه " عضلات الكتف " - وانا لا احس فيه لا ألم ولا شي ابدا بس مجرد انه مرتفع يمكن 3 أو 4 مليمتر - ويبان من بعيد انه اعلى ولا انت ما فيك شي ودقيقه بخلي دكتور العظام يجي قلت طيب .. وانتظرت شوي وجا الدكتور وشرح له الاشعه وقال لي دكتور العظام يبقى كذا ما فيك ولا شيء قلت طيب يا دكتور يحتاج لها علاج ولا عمليه ولا شي قال لاااا ابدا ولا تأثر عليك ولا بتسوي لك شي قلت طيب تأثر علي لو قدمت لعسكريه قال لا لأن هذا شي طبيعي فيك ماهو شي مرض ولا هو حاله مرضيه فقط نمو عظم كتفك الأيمن بالشكل هذا ولا بيأثر عليك وانت مثل ما قلت لي ما تحس بألم فيه بس نموه كذا ولا بيأثر عليك بشي ولا بيزيد طوله ولا أي شي ما عليك منه







وش رأيكم الحين هل الشيء هذا بيأثر علي في القبول وعلى فكره كل تقارير الأشعه معي العاديه والرنين والمقطعيه بروح بكره اخذ التقرير حقها بس الاشعه نفسها ما اقدر اخذها لأني اتعالج على حساب شركة تأمين .. تتوقعون بتأثر علي .؟؟؟؟؟؟؟؟؟؟؟؟؟
[/align]
[/align]