كان ودي ارد على كلام راجو القحطاني لكن ما قصر اخوي عزي لحالي رد عليه




لكن ودي اضيف كلمتين





الحين تقول عليه عيب وكرامه وغيره عشانه بيشتغل بمطعم؟؟

الكرامه انك تشتغل وتصرف على نفسك بنفسك منت بزر ابوك يصرف عليك

تشتغل تطلع الريال من تحت الارض





انا تخرجت من الثنويه ودخلت كلية ينبع وماقدرت اكمل وفصلت ورجعت جده عند اهلي وجلست ترم عاطل


والله بغيت اتجنن جالس بالبيت لاشغله ولا مشغله فلوس وسياره وكل وشرب كلها عندي ولا احد يكلمني

لكن ماقدرت اعيش على الوضع هذاك وقدمت على الجامعه انتساب وبعد ماقدرت اجلس بالبيت لاني جلست بالبيت سنه وبغيت اتجنن لدرجة ان مرض السكر جاني من النفسيه الي كانت فيني ومن سوء الاكل والشرب ولا حركه ولا اي شي

وعلى فكره مع هذا كله عندي دخل شهريا وانا جالس بالبيت 2500 ريال لان الوالد الله يحفظه معطيني شقه بعماره ماجرينها واخوي شقه


لكن مانفعت معاي قلت لازم اشتغل



شوفني الحين شغال في شركه راتبي 2200 ومايعطوني منه ولا 1500


حتى هم مستغربين واحد لبسه من احسن الملابس وسيارته موديل السنه ومن احسنها وباين انه ماهو محتاج الوظيفه


لكن ترى الواحد عنده كرامه



انا والله لو اموت جوع ما اطلب ابوي فلوس لو عطاني هو وانا في حاجتها خذيتها واذا ماني في حاجتها رديتها له ولو محتاج وماعطاني ما اطلبه لاني خلاص كبرت ولازم اعتمد على نفسي

لانه بيجيني يوم ممكن ما القى فيه الصديق والقريب الي يعطيني وقتها وش بسوي؟؟؟

وانت اخوي محتاجك صديقي لو مالقيت غير الوظيفه هذي لا تتردد لان الناس مابتنفعك


انت بتجلس بالبيت تنتظر وظيفة احلامك وانت متاكد انها ماهي جايتك ياخي خلاص وكل امرك لله ولاتجلس بالبيت


اصلا والله اذا شافك احد تشتغل بالمطعم يحترمك ويقدرك لانك ماتعرف شي اسمه عيب

لانك رفعت قدرك عند الناس ولاجلست تشحذ من الناس او تسرق


وانا ما اقول لك اشتغل بالمطعم وخليك طول عمرك هناك

لا اشتغل ودور على غيره الين الله يفرجها




ولو عندك سياره ارسلي رقم جوالك على الخاص وعندي لك فكره ممكن تنفعك كثير ووراها دخل ممتاز


والمعذره طولت بالكلام لكن والله راجو العتيبي رفع ضغطي برده حتى دوامي انتهى وماطلعت جالس اكتب الرد وانا ان شاء الله متابع لموضوعك



والله ييسر الاموووور,,,