بسم الله الرحمن الرحيم ..


**


طالب علمي ومستواي ولله الحمد ممتاز ،
لكني ما اميل ابد للتخصصات الطبية والهندسية ايضا .. ميلي للتخصصات الادارية..

وصراحة احترت بين معهد الادارة العامةوالجامعات السعودية ..

__

البعض يقولي حرام تدخل المعهد وانت علمي ونسبتك ممتازة، والمعهد ما يعطي الا دبلوم .. وعلى الاقل ادخل جامعة بكالريوس افضل بكثير من الدبلوم ..!!

والبعض يقول لا .. الجامعات السعودية بالتخصصات الادارية بالعربي .. وما فيه سنة تحضيرية خاصة للانقلش ، يعني تتخرج لغتك ضعيفة او متوسطة .. والشركات والبنوك اللغة شي اساسي عندها ،، بينما المعهد يدرسك سنة تحضيرية للغة وقوية جدا .. وبعدها سنتين او سنتين ونص وتتخرج والبنوك والشركات تطلبك ورواتبها كويسة ووو ..



صراحة انقتل طموحي بعد ما نشوف هالبطالة والآلاف الجامعيين عاطلين .. عشان كذا بادرس بس عشان الوظيفة ويكون راتبها كويس ...


..

شوركم يالربع.. وش الافضل من ناحية التوظيف المعهد ولا الجامعات السعودية
وكيف رواتب خريجي المعهد .. واي نصايح بشأن هذا الموضوع الله يرحم والديكم ..
ملاحظة انا اميل للمعهد اكثر من الجامعة لظروف لكن ابي اشوف ارائكم خاصة من ناحية التوظيف لخريجي المعهد