هذه القصيدة كانت رساله من الشاعر صالح اللخمي الى من يهمه الامر
البدع// صالح الخمي
يا وزير الصناعة يا وزير العمل ويش العمـل
وش عملتم لنا من حل يقضي على أفواج البطالة
وش نبشر به الجمهور في مطلع العام الجديـد
حدثونا عن إنجاز الخطب والمشاريـع الجديـدة
هل ترى نفذت وإلا مجـرد كـلام علـى ورق
نص مليون عاطل عندنا لا دراسـة لا وظيفـة
بحت أصواتهم من كثر ما يصرخون ويشتكـون
تايهين الخطى بين القطاع الحكومي والعمومـي
كن ماشي حكومة والبلـد كـن مافيهـا غنـاة
والمصيبة إن الاستقدام يتجاوز الرقم القياسـي
حسب ماجا في التعداد سبعـة ملاييـن أجنبـي
لامتى والبلد مرهـون بيـد العمالـة الأجنبيـة
ينهبون الموارد نهب كن أرضنـا ماهـي لنـا
الرد// محمد حوقان
يا الشباب السعودي كنّ غيرك مسوي لـك عمـل
لا متى وأنت تايه ما تصـل لا بدعـم ولا بطالـة
لا متى ما تفرق ساعة الهزل عن وقـت الجديـد
دولتنا دولة التوحيد يـا لله عسـى يمهـا جديـدة
دولة مـا تطـاوع كـل قلبـاً خـذل فيهـا وراق
عل واحد وله تفكير يقـدر علـى كيفـه يظيفـه
والنوايا نضاف وبعض الأفكار ما أدري وش تكون
لكـن الحمـد لله إن تفكيرنـا ماهـو عمـومـي
مثل ما قيل فا الأمثـال كـلاً يطـول فـي غنـاه
بعض الأحيان أمد الشوف وأقيس وأغلط فالقياسي
ولباس الغنى والستر من فـوق راسـي وأجنبـي
يا لشباب السعودي حاربوا كـل فتنـة خارجيـة
الزمـان أنصـرف عنّـا وتفكيـرنـا ماهيلـنـا