السلام عليكم ورحمة الله وبركاته
ياعيال اليوم جلست اتصل على الرقم 012465306 رقم القبول والتسجيل بالرياض
المهم انه ماحد يرد وانا اتصل على هذا الرقم 012466000
ويردون علي واطلب تحويل بعض المرات وبعض المرات اسألهم
انا سألتهم عن الفرز وقلت له الي محووولين يدخلون الفرز قالي ايه
قلت طيب جاي لهم اعتماد قال حتى لو
المهم قلت متى بتنزل النتائج قال ماعندي علم
وانا اقولكم الصراحه مره يرد علي واحد غثيث ومره يرد علي واحد طيب
المهم واحد يقول مسلمين الارقام للصحف وواحد يقولي انهم باقي يمكن بكره الاثنين وواحد يقولي ماعندي علم
المهم ياعيال انهم لحسة مخ
عاد انا دقيت على حقون القصيم وقلت لهم المحولين يدخلون الفرز ولا لا
قال لا مايدخلون الفرز لانهم معمدين خلاص منتهي امرهم
المهم ياعيال ابي منكم تدعون لي بالقبول
والله اني متحمس بالحيل
اتصلت على حقون مكه مايردون ومره يطلع لي صوت تقول حق فاكس
والمقصد يوم اني اقوله يدخلون الفرز لانه لو اننا مادخلنا الفرز معناته اننا مقبولين
مدري يمكن الموظف هذا ماعندهـ سنع
ادعو لي ياعيال واكثرو من الاستغفار
موفقين خير