السلام عليكم ورحمة الله وبركاته

اختي كم مقصف في المدرسه ؟؟؟
اذا كان واحد اتوقع الموضوع في مغامره بنسبه عاليه
اذا كان اكثر من مقصف الوضع يطمن بخير
غير كذا يبي لك تتجهزين وكانك في حرب

راح احسبها لك والقرار في النهايه لك بعد ماتستخيري الله
اكيد راح يبدا الايجار السنه القادمه ان شاء الله

بداية الدراسة للفصل الأول
السبت 14/10/1433هـ
إجازة اليوم الوطني
الأحد 7/11/1433هـ
بداية إجازة عيد الأضحى
نهاية دوام الأربعاء 1/12/1433هـ
بداية الدراسة بعد عيد الأضحى
السبت 18/12/1433هـ
بداية اختبار الفصل الأول
السبت 23/2/1434هـ
بداية إجازة منتصف العام
نهاية دوام الأربعاء 4/3/1434هـ
بداية الدراسة للفصل الثاني
السبت 14/3/1434هـ
بداية إجازة منتصف الفصل الثاني
نهاية دوام الأربعاء 8/5/1434هـ
بداية الدراسة بعد إجازة منتصف الفصل الثاني
السبت 18/5/1434هـ
بداية اختبارات الفصل الدراسي الثاني
السبت 15/7/1434هـ
بداية إجازة نهاية العام الدراسي
نهاية دوام الأربعاء 26/7/1434هـ
بداية العام الدراسي الجديد
السبت 24/10/1434هـ



السنه 365 يوم - 170 إجازات = 195 يوم دراسي ( حساب تقريبي )

260000/195 = 1333 ريال في اليوم الواحد على شان تتخلصين من ايجار سنه كامله

اذا كان الايراد اليومي اكثر بيكون راتب عاملات وارباح

قلتي ان المدرسه فيها 1300 الى 1200 طالبه
بيكون المتوسط 1250 طالبه بالاضافه للمعلمات والاداريات بيكون الناتج المتوسط 1400

1400 اشتروا الوحده منهم بريال ونص بيكون الناتج 2100 ريال هذا الايراد اليومي
2100-1333= 767 ريال بتكون موزعه بين الارباح وراتب العاملات

767*195 =145730ريال ارباح العام كامل ومعها رواتب العاملات
كأقل القليل بالرغم ان المقاصف البيع فيها باضعاف السعر يعني هالمبلغ يتضاعف
ولكن للاحتياط تحسبي اقل الربح واكثر الخساره

بالنسبه لراس المال من وجهة نظري انه يطيح في هذه الحاله لان المقصف بالكثير 10000 ريال وتخب عليه
يعني في اول شهر راح ترجع الـ10000 وعليها زياده
بالنسبه لفترة الفسحه نص ساعه ماراح تغطين الطالبات ابدا
لازم يكون معك على الاقل 15 طالبه
لوقلنا 15 طالبه وانتي العدد 16
الوحده فيكم في نص ساعه راح تمشي طلبات 60 بنت بيكون الناتج 960 بنت بس وبقية الطالبات الله يعوض عليهم مايتفسحون
بتكون اسهل اذا فترة الفسحه مقسومه على فترتين يمكن يمشي طلبات اكثر
واعرف ان الموضوع في يد المديره
يعني الموضوع ارباح خياليه وخساره كاسحه
هذه من زاويه
اما من زاويه ثانيه
اذا كانت المدرسه مقسمه الطالبات الثانوي لوحدهم في فترة الفسحه والمتوسط والابتدائي كذلك وفترة الفسحه مقسمه على فترتين بيكون الوضع ممتاز جدا
والمشروع باذن الله راح ينجح

تمشين طلبات اكثر ويقل عدد الموظفات عندك

ولكن تذكري توفير الطلبات بيكون لاسبوع كامل لانه في يوم وليله مستحيل توفرين لـ 1400 عدا الكروسان والفطائر المحلات تنزلها لك يوميا

وبالنسبه للمدرسه الثانيه

55000 ايجار والبنات 300

يعني لو البنات 1400 مثل المدرسه الاولى بيكون ايجارهم 256200 ريال
لو لاحظتي ان الايجار متقارب جدا جدا

لكن يبقى الفرق بين المدرستين قدراتك انتي

هل تقدرين تغطين المدرسه الاولى وتربحين 3 اضعاف المدرسه الثانيه ؟؟؟؟
اذا لا افضل لك المدرسه الثانيه

وتذكري لازم امكانياتك تكون قويه ومتجهزه للشغل من البدايه

هذه وجهة نظري وانتي استخيري الله
وعسى الله يكتب لك الخير

واذا تراجعتي عن موضوع المدرسه الاولى 1400
اتمنى بلغيني اذا كانت في جده؟؟

لاني ابي هالشغله

تمنياتي لك بالتوفيق
ترى حسابي مو دقيق جدا احتمال فيه نسبة خطا
ان اصبت فمن الله وان اخطات من نفسي ومن الشيطان